Tyla u ḓo imba luimbo lwa lushaka kha World Cup 2026

Muwini wa Grammy wa Afrika Tshipembe Tyla u khou ṱoḓa u ita ḓivhazwakale hafhu musi a tshi dzhia vhuimo ha vhukati kha vhuṱambo ha u vula ha Tshiphuga tsha Ḽifhasi tsha FIFA tsha 2026,

A tshi imela muzika wa Afrika Tshipembe na wa Afrika kha iṅwe ya pulatifomo khulwanesa kha mitambo ya ḽifhasi.

Muimbi wa “Water” o dzudzanyelwa u imba kha vhuṱambo ha u vula ha thonamennde ngei Mexico City phanḓa ha mutambo wa u vula vhukati ha Afrika Tshipembe na Mexico nga Ḽavhuṋa, ḽa 11 Fulwi.

FIFA yo dovha ya khwaṱhisedza uri Tyla u ḓo imba luimbo lwa lushaka lwa Afrika Tshipembe phanḓa ha musi mitambo i tshi thoma, zwine zwa ḓo mu vhea vhukati ha tshifhinga tsha u ḓihudza kha shango.

Kha MaAfrika Tshipembe, vhuṱambo vhu hwala ndeme yo khetheaho.

 Tyla o no vha muṅwe wa nganea khulwanesa dza Afrika Tshipembe dza u bvelela kha ḽifhasi miṅwahani ya zwenezwino, o wana ṱhonifho ya dzitshaka ngeno i tshi khou thusa u ḓisa mibvumo ya Afrika kha vhathetshelesi vhahulwane ḽifhasini ḽoṱhe.

U katelwa hawe kha vhuṱambo ha Tshiphuga tsha Ḽifhasi ndi tshiṅwe tshiitea kha mushumo une wa khou bvela phanḓa na u fhira mikano.

• VHALANI HAFHU: Nandi Madida Kha  zwitaela zwa kale zwa Mavhudzi 

Muimbi u dovha a vha kha albamu ya tshiofisi ya Tshiphuga tsha Ḽifhasi tsha FIFA 2026 nga kha luimbo lwa “Game Time”, tshumisano na murepa wa Amerika Future.