Rele Mofokeng o amba nga ha vhuimo hune a konesa hone 

Mutambi wa Orlando Pirates Relebohile Mofokeng o zwi bvisela khagala uri: Nomboro ya vhufumi ndi hune a bvisa vhukoni hawe hone.

Mutambi wa minwaha ya 21 u kha fomo i takadzaho, o kora zwikoro zwivhili kha gundo ḽa Pirates kha Golden Arrows.

Pirates yo kunda Arrows nga 5-0 kha mutambo wa Betway Premiership nga Lavhuvhili vhusiku.

U tamba ha Rele Mofokeng zwo ita uri a wane iṅwe pfufho ya Munna wa Mutambo.

O engedza tshivhalo tshawe tsha zwikoro zwa  zwiṱanu kha mitambo mivhili nahone zwino u na zwikoro zwa sumbe kha ligi, nahone u na zwikoro zwiṱanu kha mitambo ya 19.

Naho a tshi dovha a tamba zwavhuḓi hafha hunwe, mutukana u ri u tamba vhukati zwi tendelana na tshitaila tshawe khwine.

“Ndi vhona unga nga tshitaila tshine ra tamba ngatsho fhano Pirates, vhuimo ha No. 10 vhu a nfanela zwavhuḓi.

“A thi mugidimi muhulwane.Ndi funa u tamba kha zwikhala zwiṱuku.

“Ngauralo, ndi humbula uri No. 10 ndi yone yo nfanelaho,” o ralo nga murahu ha mutambo ngei Amstel Arena ya Orlando.

• VHALANI HAFHU : Ouaddou o khoḓa kushumele kwa thimu yawe ya Orlando Pirates

Vhupfiwa hawe vhu khou ḓa musi khanedzano i tshi khou bvela phanḓa nga ha uri u fanela u tamba ngafhi, nga maanḓa kha ḽeveḽe ya thimu ya lushaka.

Nga hetshi tshifhinga, Rele Mofokeng u kha fomo nahone u khou amba nga milenzhe yawe nga ha uri u fanela u tamba ngafhi na ngafhi.