Jessica Nkosi u vhuya kha TV na mbekanyamushumo ya mveledziso ya tshitshavha

Jessisa Nkosi o takalela u vhuya kha TV nga murahu ha u litsha lwa minwaha mivhili.

Mutambi wa matambwa na muhashi u khou vhuya sa muhashi wa mbekanyamushumo ya LG’s Make Life Good kha Mzansi Magic.

LG’s Make Life Good i da nga Ḽavhuṋa ḽiṅwe na ḽiṅwe nga 7 PM.   MDN news yo kovha nḓivhadzo kha X (Twitter) nga dzi 25 Fulwi 25, 2026.

Mbekanyamushumo ntswa i tevhela vhadzulapo vha Afrika Tshipembe vhane vha khou tshila vhushaini musi vha tshi dalela zwitshavha zwavho zwe zwa vha ita zwine vha vha zwone.

Vhathu vha ḓo vha vha tshi khou  dzhenelela kha u vusuludza zwikolo, midavhi ya mitambo na fhethu ha miṱangano ya tshitshavha.

“Mbekanyamushumo iyi yothe i kwama vhuthu.I takusa zwitshavha zwine ra bva khazwo sa vhathu vho bvelelaho.

Ndi thoma hune ra thoma hone ra konaha u bvela nnḓa ra ita zwivhuya nga maanḓa kha masia ane a bveledza vhaswa,” ho amba Jessica Nkosi.

• VHALANI HAFHU: Luyanda Zwane o takala vhukuma u divhona Kha Billboard

Vhaeni kha mbekanyamushumo vha katela mutambi wa kale wa Orlando Pirates Vho-William Okpara vhe vha ita phambano kha sekondari ya Kensington.

Hafhu kha mutevhe ndi Vho-Saray Khumalo na Vho-Thandi Mavata vhe vha thoma tshiitea tsha Doek kha Fleek.