Mutsila wa Lekompo Fuego o vhulawa kha tshiwo tshi shushaho
Mutsila wa lekompo ane a divhea vhukuma Fuego (Baswele Mfana) o thuntshiwa a lovha doroboni ya Polokwane.
Ṋaledzi ine ya khou bvelela, ane dzina ḽawe ḽa vhukuma ḽa vha Adifele Lastborn Maimela, o thuntshiwa fuletheni yawe nga matsheloni a Ḽavhuvhili ḽa ḽa 7 Lambamai.
Lufu lwawe lwo khwaṱhisedzwa nga mulanguli wawe, Vho-Potego Nkgadima, vhe vha ṱalusa tshiwo itshi sa u xelelwa hu vhavhaho kha nḓowetshumo ya muzika.
“Ro ṱungufhala vhukuma u ḓivhadza u lovha ha mutsila washu… Lufuno lwawe, vhuḓikumedzeli hawe na u shela mulenzhe hawe kha nḓowetshumo ya muzika a zwi nga hangwiwi,” ho amba Nkgadima sa zwe zwa topolwa nga Daily Sun.
Fuego, we a vha a tshi ḓivhelwa nyimbo dzi ngaho Mamacita na Lekompo la Mosamaria, o vha o no fhaṱa vhatevheli vho khwaṱhaho kha tshiṱitshi tsha lekompo tshine tsha khou aluwa.
O dovha a shuma tsini sa mubveledzi na DJ.
Uya nga ha mivhigo, tshiwo itshi tsho bvelela musi hu tshi pfi Fuego na khonani yawe vho vha vha tshi tevhelwa hune vha dzula hone nga mureili wa tow truck.
Hu pfi ho vha na khanedzano nga ha mufumakadzi, ya ṋaṋa u vha khakhathi.
Muambeli wa mapholisa Vho-Malesela Ledwaba vho khwathisedza uri vhahumbulelwa vhavhili vha minwaha ya 25 na 27 vho farwa malugana na u thuntsha.
“Hu pfi ho vha na khanedzano… Nga tshifhinga tsha tshiwo itshi, hu pfi muṅwe wa vhahumbulelwa o bvisa tshigidi a thuntsha, a huvhadza mupondwa,” ho amba Ledwaba.
Nga murahu vhahumbulelwa vho mbo ḓi ya tshiṱitshini tsha mapholisa, vha tshi ri vho thuntsha vhathu vhane vha tenda uri vho dzhenelela kha u tswa vhathu.
Fhedzi mapholisa vho wana mafhungo u bva vhuongeloni nga ha muthu we a thuntshiwa ane a tshimbidzana na tshiwo tshithihi, zwe zwa ita uri vha farwe.
Tshigidi tshe tsha shumiswa kha u thuntsha u bva tsheetsho tsho dzhiiwa u itela u isa phanḓa na ṱhoḓisiso.
- VHALANI HAFHU : Rele Mofokeng o amba nga ha vhuimo hune a konesa hone
Fuego o mbo ḓi gidimiselwa vhuongeloni nga murahu ha u thuntshiwa fhedzi a vhidzwa o lovha musi a tshi swika.