Rekhodo ya Broos kha Tshiphuga tsha Ḽifhasi sa mutambi

Musi Hugo Broos a tshi khou ṱoḓa u dzhia vhuimo hawe ha u thoma ha FIFA World Cup sa mugudisi, heyi ndi rekhodo yawe kha thonamennde sa mutambi.

Musi Broos a tshi ranga phanḓa Bafana Bafana kha Tshiphuga tsha Ḽifhasi tsha FIFA tsha 2026, zwi ḓo vha zwi tshi khou swaya miṅwaha ya 40 u bva tshe a tamba lwa u fhedzisela kha thonamente sa mutambi.

Broos, we a vha a tshi tamba sa mutsireledzi wa vhukati nga tshifhinga tshawe tsha vhugala, o vha o imela Belgium kha Tshiphuga tsha Ḽifhasi tsha 1986 ngei Mexico.

Zwi nga ṱaluswa sa vhurendi uri mutambo wa u thoma wa Bafana u ḓo farelwa Mexico — shango ḽithihi ḽe Broos a tamba khaḽo lwa u fhedzisela kha Tshiphuga tsha Ḽifhasi.

Vho vhidzwa kha tshigwada tsha Belgium tshe tsha vha tsho ṱanganedzwa kha tshigwada tsha B khathihi na vhaṋe vha haya Mexico, Paraguay na Iraq.

Broos o tamba kha mitambo miraru kha ya sumbe ya Belgium musi i tshi bvela phanḓa na u fhedza kha vhuimo ha vhuṋa nga murahu ha u kundwa kha play-off ya vhuimo ha vhuraru.

O tamba kha mutambo wa u thoma na Mexico, naho Belgium yo kundwa nga 2-1 kha vhaṋe vha haya.

O mbo ḓi bviswa kha mutambo wa vhuvhili wa tshigwada na Iraq, fhedzi a vhuyedzedzwa kha mutevhe wa u thoma kha mutambo wa vhuraru wa tshigwada na Paraguay.

Broos o vha e mutambi we a vha a sa shumiswi kha round  16 musi vha tshi tamba na USSR, fhedzi o vha a tshi tamba kha quarter fanal musi vha tshi tamba na Spain.

• VHALANI HAFHU : Manqoba Mngqithi u ḓihudza nga mutambi Ayanda Jiyane

O vha o vhewa kha bentshi ya semi-final na Argentina nahone ho ngo tamba kha mutambo wa Belgium wa u dzhia vhuimo ha vhuraru na France.