Nhlanhla Kunene u dzhoina Skeem Saam

 Skeem Saam tsho vha tshi tshi dzulela u vha na ndivho ya u nanga vhatambi vha re na vhukoni.

Zwa zwino mbekanyamushumo ya pfunzo ya Sabc1 yo engedza vhatambi vha ngaho Nat Ramabulana, Talitha Ndima, Lunga Mofokeng na Tshepo ‘Howza’ Mosese.

 Nhlanhla Kunene o dzhena kha vhatambi vha Skeem Saam sa Amandla Dubazane.

Muanewa u taluswa sa munna ane a vhonala a tshi nga ndi wa dzi boardroom na dzi ofisini .

O ambara nga nḓila i sa solisei nga zwiambaro zwo lugiselelwaho na u ḓi hwala nga fulufhelo ḽo dzikaho,

Amandla u disa u bvelela, u langa na u ḓihudza. Naho zwo ralo, hu na zwiṅwe zwithu khae, samusi mbonalo i tshi nga khakhisa nga nḓila i re na khombo.

 Amandla ha ngo ṱuṱuwedzwa nga khakhathi kana maḓipfele. O amba nga ho livhaho. Nga ndivho. Nahone khamusi zwine zwa tshuwisa vhukuma, ndi u vha na vhulenda vhu sa ṱungufhadzi.

“Mubvumbedzwa wa Amandla u a langea vhukuma nahone u divha zwine a toda.  Ha rasi kana u fhufha fhufha, fhedzi u vha hone hawe hu dzula hu tshi pfala.

“Hu na vhuhali ho dzikaho nga hae vhune ha ita uri u dzule u tshi khou muṱalela, nahone ndo ḓiphina vhukuma nga u ḓisa dzenedzo leya vhutshiloni,” hu amba Kunene.

“Amandla ndi lushaka lwa mubvumbedzwa ane a shandula thempheretsha ya tshiṱori tshiṅwe na tshiṅwe tshine a dzhena khatsho.

“Vhaṱaleli vha fanela u lavhelela u ṱangana, u ḓitika na tshiṱori tshine tsha ḓo ita uri vha dzule vhe kha vhuimo ha nṱha,” hu amba Yvonne Siphuka, Mulanguli wa Vhuḓivhazwakale.

Musi mafhungo awe a tshi khou bvela phanḓa, tshithu tshithihi tshi a khwaṱhisedzwa, hoyu a si munna ane wa ṱoḓa u mu khakela.

• VHALANI HAFHU:Rekhodo ya Broos kha Tshiphuga tsha Ḽifhasi sa mutambi 

Nhlanhla Kunene u do bvelela  sa Amandla nga Musumbuluwo, ḽa 20 Lambamai 2026 kha Skeem Saam.