Manqoba Mngqithi u ḓihudza nga mutambi Ayanda Jiyane
Mugudisi wa Golden Arrows Vho-Manqoba Mngqithi vho khoḓa Vho-Ayanda Jiyane, vha tshi vhambedza na mutsireledzi wa kale wa Bafana Bafana Vho-Siyabonga Sangweni.
Jiyane wa miṅwaha ya 23 o dzhena kha Abafana Bes’thende mafheloni a khalanwaha yo fhiraho nga murahu ha musi o ṱutshela Royal AM.
Nahone o ṱavhanya a ḓitika sa mutambi wa ndeme wa murahu. Mutambo wawe wa u kwama luthihi wo ita uri a vhe mukapuṱeni nga fhasi ha Manqoba Mngqithi.
Mugudisi wa Arrows u tenda uri mutambi wa vhukati muswa o vha a tshi shuma vhukuma kha nyaluwo ya thimu yawe.
“Ndi vhona unga o vha thuso khulwane kha thimu yashu,” Mngqithi o amba nga ha mutambi.
“O shuma u swika a tshi wela kha mutevhe wa u thoma nahone a fhedza o vha mukaputeni ngauri ndi muṅwe wa vhatambi vhashu vhane vha dzula vha tshi tamba.”
“U nkhumbudza Sangweni musi a tshi tamba. U a kona vhukuma, u a ṱavhanya, nahone u na mafulufulu.
“U ṱanganelana zwavhuḓi na nḓila ine ra ṱoḓa u tamba ngayo, ri ṱoḓa vhatsireledzi vha ṱavhanyaho na vha sa ofhi,” ho engedza mugudisi.
Manqoba Mngqithi o dovha a khoḓa vhushaka ha Jiyane na Ntandoyenkosi Mabaso nga murahu, a ri luvhilo lwavho na vhukoni havho zwo khwaṱhisa thimu yawe murahu.
O mbo ḓi vhambedza JIyane na vhaḓivhalea vha ḓivheaho shangoni ḽoṱhe vha Italy Fabio Cannavaro na Alessandro Nesta.
- VHALANI HAFHU: Tefu Mashamaite u amba nga ha Mdu Shabalala
O tenda uri Jiyane a nga swika kha vhuimo vhu fanaho, arali fhedzi a bvela phanḓa a tshi bvelela nga luvhilo lu fanaho.