Mofokeng na  Cardoso vha isa phanda na u vhusa kha PSL 

Vhuvhusi ha Miguel Cardoso na Relebohile Mofokeng vhu khou bvela phanḓa na u wina pfufho dza nṱhesa kha Ḽigi ya Nṱhesa ya Betway.

Nahone hezwi zwi sumbedza zwavhudi uri Mamelodi sundowns na orlando pirates ndi dzone dzine dza khou ranga phanda kha PSL zwazwino.

Pfufho dza Ṱhafamuhwe dzi sumbedza tshifhinga tsha vhukoni vhu bvelaho phanḓa kha vhavhili vhane thimu dzavho dza vha kha mbambe i konḓaho ya u dzhia tshiphuga tsha ḽigi.

Miguel Cardoso o wana khuliso yawe ya vhuvhili nga u tevhekana nga pfufho ya Mugudisi wa Ṅwedzi.

Ndi ene we a ranga phanḓa Mamelodi Sundowns u wina mitambo yayo yoṱhe miṋa ya ligi kha ino khalanwaha.

U tamba uhu ho khwaṱhisa zwavhuḓi vhuimo hayo kha mbambe ya u dzhia tshiphuga tshayo tsha vhuṱahe nga u tevhekana.

Cardoso o vha a kha muṱaṱisano muhulwane na Abdeslam Ouaddou wa Orlando Pirates na Arthur Zwane wa MaZulu FC.

Mutambi wa phanḓa wa Pirates Relebohile Mofokeng na ene o vhulunga pfufho yawe ya Mutambi wa Ṅwedzi.

Mutambi o dzhia zwikoro zwiṋa kha mitambo miṋa ya ṅwedzi uno.

O kora zwikoro zwiraru kha mutambo muthihi lwa u thoma musi vha tshi kunda TS Galaxy nga 6-0 mafheloni a vhege o fhiraho

• VHALANI HAFHU : Makhadzi o ṱhasela kha gig ya zwenezwino

Rele Mofokeng o vha muimeleli wa Pirates kha u ṱhasela musi vha tshi khou lwela tshiphuga tshavho tsha u thoma tsha ligi nga murahu ha miṅwaha ya fumi.