Kaizer chiefs kha u khwinisa tshigwada kha khalanwaha iḓaho

Kaizer Chiefs yo thoma u topola na u amba na vhatambi vhane vha khou toda u khwathisa thimu yavho ngavho kha khalanwaha idaho.

Ho thoma mavharivhari a uri ndi afhio masia ane thimu ya khou toda u khwathisa khao, na vhatambi vhane vha khou toda.

Ho no vhigwa uri Kaizer Chiefs yo engedza thendelano ya Inacio Miguel uri a bvele phanḓa nae.

Zwino zwi khou vhonala uri huna vhavhili vha Stellenbosch FC na muthihi wa Sekhukhune United vhane vha khou vha ṱoda.

Uya nga vha Senate, Kaizer Chiefs yo no fhedza zwothe na Thabo Moloisane ane u do vha hone mahala musi khalanwaha i tshi fhela.

Mutsireledzi u do vha na thendelano yawe ine ya ḓo fhela nga ṅwedzi wa Fulwi, nahone zwa zwino o vhofholowa u saina huṅwe na huṅwe sa khwaṱhisedzo.

Kale ho vha hu tshi pfala uri Orlando Pirates yo vha i na dzangalelo khae, fhedzi zwino ri a zwi ḓivha uri Amakhosi yo  wina mbilu yawe.

Ro dovha ra pfa uri Chiefs na yone i na dzangalelo kha Ibrahim Jebaar uri a khwathise mutambi wayo wa vhukati.

Fhedzi vha do tea u amba na Stellies uri vha mu renge sa izwi o no vha fhasi ha thendelano na tshigwada.

Zwi khou vhonala uri vha kha maitele a u amba na vha Sekhukhune United nga ha u rengisa  Bright Ndlovu.

• VHALANI HAFHU: Renaldo Learner o amba nga ha u dzheniswa hawe kha Bafana

Naho mafhungo aya a tshi do takadza vhatikedzi, zwine vha khou lavhelela vhukuma ndi uri vhagudisi vha do zwi fara hani.