Pirates yo khwathisedza mitambo yayo ya u thoma

Orlando Pirates i do thoma u tsireledza tshiphuga tsha Betway Premiership phanda ha vhatikedzi vha hayani tshitediamu tsha Orlando.

Ligi ya Bola ya Milenzhe ya Premier yo ḓivhadza mbekanyamushumo ya mitambo ya khalanwaha ya 2026/27 nga Ḽavhuṋa, nahone zwo bvelela uri Buccaneers i ḓo thoma nga u ṱanganedza Milford FC nga Mugivhela, ḽa 1 Ṱhangule nga awara ya 15:30 nga masiari.

Milford yo no dzhena kha ligi ya ntha nga murahu ha musi yo wina kha dzi qualifiers, zwa sia Cape Town City na Mages FC dzi tshi khou mama thumbu dzadzo.

Tshigwada tsha Abdeslam Ouaddou a tshi nga ḓo vha na tshifhinga tsha u awela sa izwi nga murahu ha vhege tshi tshi ḓo thoma u tsireledza MTN8 kha Durban City hayani nga ḽa 8 Ṱhangule.

Orlando Pirates i ḓo kona u dalela AmaZulu nga ḽa 12 Ṱhangule, ya kona u ṱangana na Chippa United nga nwedzi wa Tshimedzi. 

U bva afho vha ḓo humela tshitediamu tsha Orlando nga dzi 25 Ṱhangule u ṱanganedza Sekhukhune United.

Musi khalanwaha i sa athu thoma, Blues i ḓo ya Spain nga Ḽavhuṱanu kha ndugiselo dza khalanwaha ngei Marbella u bva nga dzi 12-25 Fulwana. 

• VHALANI ZWINWE : Broos o khwaṱhisedza u ṱuwa hawe kha Bafana Bafana

Musi i Spain, Orlando Pirates i ḓo tamba mitambo miṱanu ya vhukonani u itela u ḓipfa yo khwaṱha na u ḓikala.

Vha ḓo ṱangana na Córdoba CF, Cádiz CF, Al-Ittihad Club, Neom na Las Palmas musi vha tshi khou ḓilugisela khalanwaha i konḓaho i ḓaho.