Broos o khwaṱhisedza u ṱuwa hawe kha Bafana Bafana

Mugudisi wa thimu ya Bafana Bafana Vho-Hugo Broos vho khwathisedza kha khou litsha mushumo wa u gudisa thimu ya lushaka ya Afurika Tshipembe nga murahu ha minwaha mitanu yo bvelelaho.

Mugudisi wa minwaha ya 74 wa Belgium o dzhia tsheo musi a tshi khou amba na gurannḓa ya Belgium Voetbalnieuws, a tshi ri tshifhinga tshawe na Bafana tsho fhela.

Broos o sia Bafana sa mugudisi we a shuma tshifhinga tshilapfu kha divhazwakale ya kilabu.

O tholiwa nga ṅwedzi wa Fulwi 2021, o thoma mushumo wa u fhaṱa thimu ye ya bvela phanḓa na u vha iṅwe ya thimu dzo khwaṱhaho Afrika.

Tshithu tshihulwane tshe a tshi swikelela ho vha u ranga phanḓa Bafana kha round of 32 kha khapi ya ḽifhasi lwa u tou thoma kha ḓivhazwakale ya bola ya milenzhe ya Afrika Tshipembe.

Nga nnḓa ha zwenezwo, Vho Hugo Broos vho ranga phanḓa Bafana Bafana kha mitambo mivhili i tevhelaho ya u ṱanganedza Tshiphuga tsha Tshaka dza Afrika, na u wina mendela ya musuku kha thonamennde ya 2023 ye ya farelwa Ivory Coast.

• VHALANI ZWINWE : Vhumatshelo ha Cele kha Kaizer Chiefs vhu kho solisea

U ṱuwa ha Broos zwi amba uri Safa i ḓo tea u ṱavhanya u fhedzisa maitele a u thola mugudisi muswa phanḓa ha musi mitambo ya u khetha ya Afcon ya 2027 i tshi thoma nga ṅwedzi wa Khubvumedzi .

Minister wa zwa mitambo Vho-Gayton McKenzie vho bvisela khagala uri vha khou toda Vho-Pitso Mosimane vha tshi dzhia vhuimo ha Hugo Bros kha Bafana Bafana.