Kharishma u khou fhola nga murahu ha khombo i shushaho
Muṱa wa muimbi wa Lekompo wo kovhelana mafhungo nga ha tshiimo tsha mutakalo wa Kharishma musi a tshi khou fhola kha khombo ya goloi i shushaho.
Vho-Melita Mogale vhane vha divhiwa nga dzina la Karishma kha nḓowetshumo ya muzika wa Lekompo, vho wana khombo ya goloi i shushaho.
Khombo yo itea nga Ḽavhuṱanu ḽa ḽa 31 Tshimedzi 2025 ngei Polokwane.
Khombo iyi yo vhulaha mureili wa Kharishma, Vincent Maphopha wa minwaha ya fumbili-ina, na muṋameli wawe, Juddy Mabula wa minwaha ya fumbili-rathi, we a lovha nga murahu ha vhege mbili.
Nga phanḓa ha zwenezwo, muṱa wa Kharishma wo fhindula tshitatamennde tshine tsha amba uri Kharishma ha nga ṱanganedzi u bukiwa nga tshifhinga tsha vhuṱambo.
Kha tshitatamennde tsho bviswaho nga Lavhuvhili, la 23 Fulwi, 2026, muta wa Kharishma wo fulufhedzisa vhafuni uri u khou fhola.
Musi vha tshi khou amba na vho ramafhungo sa muambeli wa muta, Vho-Nthekgeng Kgatla vhari khaladzi avho vha khou wana thuso ya zwa dzilafho ya khwine.
“Karishma u kha vhuimo ha nṱha ha u fhola.
O vha o huvhala vhukuma fhedzi u khou bvela phanḓa na u wana ṱhogomelo ya khwinesa ya zwa ngalafho na thikhedzo ya u fhola,” ho amba khaladzi wawe Kgatla.