Winnie u tamela mashudu Sophie Ndaba kha ḓuvha ḽa mabebo
Vho thoma sa vhashumisani kha Generations, zwino vhukonani havho ho no hula, nahone vha tsini sa mashaka.
Namusi ndi duvha la ndeme vhukuma kha vhutshilo ha Sophie sa izwi a tshi khou fara minwaha ya 53.
Mutambi wa matambwa a re na vhukoni na ramabindu u khou pembelelwa nga vha muṱa, khonani na vhafuni vhawe kha zwileludzi zwa vhudavhidzani .
Muthu muthihi ane a khou pembelela Sophie ndi khonani yavho ya tsini vho Winnie.
Mutambi wa matambwa we a wina pfufho nnzhi o isa kha social media yawe a tamela khonani yawe mashudu a duvha la mabebo.
O dovha a sumbedza nḓila ine Sophie a vha wa ndeme ngayo khae.
Vho-Winnie vha livhuwa lufuno, thabelo na thikhedzo ine vha i wana kha khonani yavho ubva tshe vha tangana nga 2004, sa Queen Moroka na Khethiwe Buthelezi.
“Ndi khou humbela uri ni nthuse u tamela khonani yanga @sophiendaba_ ḓuvha ḽavhuḓi ḽa mabebo…. Sophla no vha phaṱhutshedzo na ṱhuṱhuwedzo i sa fheli vhutshiloni hanga.
“Ndi livhuwa Mudzimu nge a ita uri nḓila dzashu dzi pfuke u fhira nga 2004. Ndi livhuwa lufuno lwaṋu, thabelo dzaṋu, thikhedzo yaṋu yavhuḓi…. Ndi tendela ḓuvha ḽa mabebo ḽa nthesa khonani yanga … ḽi tshi takadza. ,” ndi Winnie a tshi ralo.