Nfenyana u amba nga tshiṱalula kha nḓowetshumo ya vhuḓimvumvusi
Mutambi wa matambwa a thelevishini Zenanda Nfenyana u lila nga ndila ine nḓowetshumo ya u ḓimvumvusa ya shuma ngayo.
Kha nyambedzano kha Power FM, Nfenyana o talutshedza uri vhabveledzi vha vhudzisa hani vhatambi nga ha vhatevheli vhavho vha social media vha sa athu wana mushumo.
“Zwi a ṱungufhadza uri muthu a re na vhatevheli vhanzhi vha social media ndi ene ane a wana mushumo, zwi a ṱungufhadza vhukuma.
“Ri tshila kha tshifhinga tshine social media i dzhieleswa ntha nga maanda,” hu amba Nfenyana.
“Zwino-zwino musi hu tshi khou itwa dzi audition, u vhudzwa uri u ṅwale fhasi zwine wa zwi tevhela kha social media nahone ndi dzulela u zwi fhira ndi songo nwala. Ndi ngani ndi tshi fanela u ṅwala zwine wa zwi tevhela kha social media ndi sa sumbedzi vhukoni hanga?”
Mutambi wa kale wa Generations a si ene mutambi wa u thoma u gungula nga ha nḓila ine circuit ya shuma ngayo nga u nanga vhathu vhane vha vha na vhatevheli vhanzhi kha inthanethe u fhira vhane vha vha na vhukoni ha u ita mushumo.
Vhunzhi ha vhatambi, hu tshi katelwa na muhali Jerry Mofokeng, vha vhukati ha vhatambi vhe vha sumbedza mbilaelo dzavho nga ha nḓila ine zwithu zwa khou itwa ngayo.
Zwine zwa khou nyadzisa na u dzhiela fhasi tshirunzi tsha sekithara yo leluwaho.