Zwo lavhelelwaho kha mutambowa Pirates na Chiefs
Muthusa mugudisi wa Orlando Pirates Vho-Mandla Ncikazi vho bvisela khagala zwine vha khou lavhelela kha ndila ine thimu ya Kaizer Chiefs ya do tamba ngayo nga Swondaha.
Vhahali vha bola ya milenzhe ya Afrika Tshipembe vha do tangana kha mutambo wa Betway Premiership stadium tsha FNB nga Swondaha nga masiari.
Nahone uya nga ha Ncikazi, arali Kaizer Chiefs ya dzhena kha mutambo nga u lifhedza, i nga vha kha u kundwa nga nḓila i tshuwisaho nga Orlando Pirates.
Nga phanḓa ha mutambo, mutsiko u kha Pirates ine ya khou tambula zwifhingani zwa zwenezwino.
Zwiṅwe hafhu, vho kunda kha mutambo wa u thoma nga 3-0 nga ṅwedzi wa Luhuhi.
Zwikoro zwa Tshepang Moremi, Oswin Appollis na Evidence Makgopa ndi zwone fhedzi zwe zwa dzhiwa nga Chiefs kha minwedzi mivhili yo fhelaho.
“Arali vha ḓa na muhumbulo wa u lifhedza, zwenezwo zwi ḓo ri shumela khwine,” Ncikazi o ralo nga Ḽavhuvhili.
“Kha thimu yashu, ri khou ḓilugisela zwiimo zwoṱhe nahone nga nḓila ifhio na ifhio zwine zwa nga ḓa, ri ḓo vha ro zwi lugisela.”
Zwazwino Pirates yo dzula kha vhuimo ha nṱha, i murahu ha Mamelodi Sundowns nga phoindi mbili.
Fhedzi Masandawana – vhane vha ḓo tamba na Stellenbosch nga Ḽavhuraru – vha kha ḓi ḓo vhuyelela kha vhuimo ha nṱha phanḓa ha mutambo wa Swondaha.
Ngeno Kaizer Chiefs i kha vhuimo ha vhuraru, i murahu ha Orlando Pirates nga phoindi dza 12.