Ex ya Andile Mpisane o fulufhedzisana na mufunwa wawe wa Zim
Sithelo Shozi o dovha a bva kha makete lwa tshiofisi, nga murahu ha musi o ḓivhadza u fulufhedzisana hawe na ramabindu wa Zimbabwe Kudzaishe James Magura.
Muthu wa nyanḓadzamafhungo o vha o no vha ṱhoho dza mafhungo tshifhingani tsho fhiraho nga u fhandekana hawe na Andile Mpisane.
Zwino o dzumbulula uri Magura o toka gona fhasi musi vha tshi khou ḓiphina nga lufuno ngei Italy, hune ha vha tsini na dzivha ḽavhuḓi ḽa Como.
Sithelo o kovhelana zwiṱuku zwa tshifhinga tsho khetheaho kha zwileludzi zwa vhudavhidzani , a tshi khou sumbedza nga u ḓikukumusa rinngi yawe ya daimane.
Ringi hu pfi i ṱoḓa u swika kha R59 000. Kha khephusheni , o dovha a swaswa nga ha vhuimo hawe vhuswa ha “tshanḓa tsha monde” — a tshi khou sumbedza uri rinngi zwino i khou tshi vhea kha vhuimo ha nṱha .
Mme wa vhana vhararu, Sithelo u na mutukana muthihi na Makhosini “Loard Phil” Maseko na vhasidzana vhavhili na Mpisane.
Vhushaka hawe na Magura ho vha na zwivhuya na zwivhi, vhavhingani vho vusa lufuno lwavho nga 2024 vha sa athu khwaṱhisedza uri vho vhuyelelana mathomoni a ṅwaha uno.
Mafhungo a u vhingana o ṱanganedzwa nga u shuluwa ha lufuno kha inthanethe, musi vhafuni na vhatevheli vha tshi khou pembelela ndima yawe ntswa.
Naho zwidodombedzwa zwo ṱanganaho na mbingano zwi sathu bviselwa khagala, hu kho lavhelelwa vhuṅwe ha vhuṱambo ha vhaḓivhalea vhune ha ambiwa nga haho vhukuma.