Grace Mondlana u sumbedza zwiluko zwawe zwa R3.5 K 

Grace Mondlana o vusa ruvhuruvhu  kha zwileludzi zwa vhudavhidzani nga murahu sumbedza a khou lukiwa lwa awara dza 28 zwe zwa sia vhanzhi vho takadzwa nga tshiitea itsho.

Uya nga ha dzi post dzawe, ho thoma ulukiwa nga 10am a fhela nga 1pm nga duvha li tevhelaho, zwa shandukisa zwe zwa vha zwi tshi vhonala sa appointment ya mavhudzi ya tshiofisi zwa vha thoho dza mafhungo kha inthanethe.

Naho o vha e na mavhudzi matuku, tshifhinga tshe tsha dzhia u fhedza u luka zwiluko zwo serekanaho tsho mbo ḓi vha tshithu tshihulwane tshine tsha ambiwa nga hatsho kha inthanethe.

Nga murahu Mondlana o dzumbulula uri tshitaila itshi tsho ita  R3 500, mutengo we wa vusa nyambedzano nnzhi vhukati ha vhatevheli vhawe.

Musi a tshi humbula nga ha tshenzhelo yeneyo, o ṅwala a ri: “Nga murahu ha awara dza 28, Gracey o vhuyelela kha u lukiwa.

“Ndo guma u gera mavhudzi anga nga dzi 1 Luhuhi 2026, nahone ndo ana uri ndi ḓo luka mavhudzi anga mafheloni a ṅwedzi wa Lambamai.

U vha hawe khagala zwo ita uri vhathu vha fhindule nga nḓila dzo fhambanaho.

• VHALANI HAFHU: Ex ya Andile Mpisane o fulufhedzisana na mufunwa wawe wa Zim

Naho vhanzhi vho khoḓa mbonalo ya u fhedzisela na u khoḓa u ḓikumedzela ha muluki wa mavhudzi, vhaṅwe vha tshi amba uri muluki wa mavhudzi o fanelwa nga mbadelo nnzhi nga ṅwambo wa vhuḓidini he a vhu ita.