Yusuf Maart u amba nga ha u tamba Europe 

Mutambi wa kale wa Kaizer Chiefs Yusuf Maart o vula nga ha u tamba Europe.

U amba uri u ṱavhanya hawe u ṱutshela Chiefs zwo shandula tshoṱhe nḓila ine a vhona ngayo bola ya milenzhe.

Mutambi uyu wa minwaha ya 30 zwino u tamba kha SV Ried ngei Austria.

U amba uri u bva kha Betway Premiership u ya kha Bundesliga ya Austria zwo mu kombetshedza uri a ḓowele tshitaila tsha bola ya milenzhe tshine tsha sedza kha vhuḓifari na maitele.

Yusuf Maart o thoma mushumo wawe wa bola ya milenzhe ngei Atlantis ngei western cape.

O mbo ḓi thoma u tamba zwavhuḓi kha thimu ya Cape Wind United, Orlando Pirates, na Sekhukhune United a sa athu bvelela sa murangaphanḓa kha Chiefs a sa athu pfulutshela kha mashango a nnḓa.

Musi vha tshi khou amba na Soccer Beat, vho talutshedza uri mutambo wa Europe wo fhambana hani na wa Afrika Tshipembe.

“Heyi thimu yo nnyita khwine nahone ndo thusa na thimu,” Maart o ralo.

“Hafha, vhatambi vha ita zwe mugudisi a ṱoḓa. A hu na tshikhala tsha u ita zwithu zwau.”

Naho zwo ralo, Yusuf Maart uri tshitaila tshawe tsha mvelo tshi kha ḓi vhonala kha mutambo wawe.

“Tshiṅwe tshifhinga ndi vhea vhuṱali hanga nahone mugudisi u a zwi funa hezwo.O ita na u amba uri u ṱoḓa ndi tshi zwi ṱhogomela.”

Mutambi wa vhukati o dovha a sumbedza u sedza nga maanḓa kha tsenguluso.

“Mushumo munzhi wa vidio u a itwa — phanḓa na nga murahu ha mitambo.

“Mugudisi u ita na u ita session dza muthu nga muthu na nṋe u sumbedza zwine a khou ṱoḓa na zwine nda zwi ita zwavhuḓi.”

U tamba sa mutambi wa vhukati wa marker, Yusuf Maart uri vhapikisi vhawe vho no thoma u mu vhona.

“Vhanwe vhatambi vha a vhudzisa uri ngoho ndi khalaṅwaha yanga ya u thoma Europe. A vha tendi hezwo.”

• VHALANI HAFHU :Mulindavhuno wa City o ḓivhadza u tutshela bola ya milenzhe

Kha Maart, lwendo ndi lwa u isa phanḓa na nyaluwo, hu si nḓila pfufhi.