Gavin Hunt u fulufhela kha mutsho u itea u kunda Pirates

Arali zwo vha zwi khae, Gavin Hunt o vha a tshi do nisa mvula khulu musi hu tshi khou tamba  Stellenbosch FC na Orlando Pirates.

Thimu dzi do tangana kha mutambo wa ndeme wa Betway Premiership nga Lavhuvhili vhusiku tshitediamu tsha Athlone.

Gavin Hunt uri musi vhuria vhu tshi khou ḓa, u khou fulufhela uri mutsho u ḓo vha kha sia ḽawe.

Arali hu vhuria, hu do vha na mvula Cape Town nahone Hunt u zwi vhona sa zwithu zwine zwa do vhuedza Stellies, zwine zwa do ita uri zwi konḓele Pirates u tamba nga nḓila ine ya anzela u tamba ngayo.

“Mutsho u kwama ndila ine ra tamba ngayo. Ndi mutambo wo fhambanaho vhukuma musi ho thaba,” ndi Hunt.

Mugudisi a re na tshenzhemo o amba uri mudavhi wo nukalaho u nga thithisa rizimu ya Pirates.

“Ndi thimu ya khwine kha shango kha zwa luvhilo. Arali mudavhi wo thaba, zwi nga ri vhuyedza vhukuma,” ho engedza Hunt.

Pirates i kha vhuimo ha vhuvhili nga phoindi dza 59, i tshi khou tevhela Mamelodi Sundowns nga phoindi dza 64 kha mbambe ya u dzhia tshiphuga.

• VHALANI HAFHU :Mafhungo madifha kha vhatikedzi vha Kaizer Chiefs vha KZN

Nga hetsho tshifhinga, Stellenbosch i khou lwa u fhedza kha Top 8.

“Ri kha mbambe. ri tea u kunda mitambo yashu miraru yo salaho,” ho amba Gavin Hunt.