Mulandu wa Emtee u dovha wa fhiriselwa phanḓa
Murepa wa Afrika Tshipembe, Mthembeni ‘Emtee’ Ndevu, u kha ḓi sedzana na milandu ine a yathu fhela.
Khothe ya Madzhisitirata ya Midrand yo dovha ya fhirisela phanḓa mulandu uyu, zwine zwa amba uri tshanduko i tevhelaho kha mulandu wawe i ḓo vhonala nga 2 Khubvumedzi 2026.
Mulandu uyu u bva kha zwe zwa ambiwa zwa u pfuka thandela ya tshireledzo ine ya kwama mufumakadzi wawe ane vho fhambana, Nicole Chinsamy.
Nga ḽeneḽo ḓuvha ḽa khothe, hu khou lavhelelwa uri thimu ya mulayo ya Emtee i sumbedze uri “ndi ngani a songo fanela u tovholwa” kha uyu mulandu.
Naho Chinsamy o no vhuya a sumbedza uri u ṱoḓa u humisa mbilaelo yawe, Daily Sun yo vhiga uri muvhuso (state) wo hana u bvisa milandu nga nṱhani ha ndeme ya zwe zwa vhewa phanḓa.
Ho dovha ha vhigwa uri muimeleli wawe, Advocate Kwena Manamela, ho ngo vha hone nga tshifhinga tsha muṱangano.
Nga tshenetsho tshifhinga, beili ya Emtee ya R2,000 i kha ḓi shuma. Beili iyi yo no vhuya ya thuthiwa nga ṅwedzi wa Ṱhangule musi a tshi pomokwa u pfuka milayo ya beili ye ya mu thivhela u kwama Nicole Chinsamy.
Nga murahu, o dovha a wana beili nga milayo i re khagala, i no tendela nyambedzano fhedzi arali zwi tshi kwama vhana vhavho.
O dovha a fhedza maḓuvha a 16 e khothoni a sa athu bviswa.
- VHALANI HAFHU : Muhashi wa zwa mitambo vho Ndlovu vho wana vho lovha
Zwino, u vhuyelela hawe khothe nga 2 Tshimedzi 2026 ndi hone hu ḓo ita uri zwi vhe khagala uri muvhuso u ḓo bvela phanḓa kana hai na u mu tovhela.