Muhashi wa zwa mitambo vho Ndlovu vho wana vho lovha

Muhashi wa zwa mitambo kha SABC Vho-Owen Ndlovu vho lovha vha na minwaha ya futhanu-ina (54) nga murahu ha musi hu tshi khou pfala uri vho tzhipiwa ngei Katlehong, Ekurhuleni.

Muṱa wavho wo khwaṱhisedza lufu lwavho nga Ḽavhuraru nga murahu ha musi vhadzulapo vho wana tshitumbu tshawe ngei Thokoza.

Uya nga ha muambeli wa muta Vho-Eugene Mthethwa, Vho-Ndlovu vho vha vho vhigwa uri vho ngalangala zwi tshi tevhela mavharivhari a u thubiwa nga Lavhuvhili vhusiku.

 Bege yavho yo dovha ya wanala mithara dzi si gathi u bva he tshitumbu tsha wanala hone.

Mufumakadzi wa vho Ndlovu, Portia, o ṱalula tshitumbu tshavho motsharani. 

Vha muṱa vhari vho lindela maṅwe mafhungo u bva kha vhahulwane nga ha nyimele dzo ṱanganaho na lufu lwavho.

Mivhigo ya kale yo amba uri hu pfi vhanna vho ḓiṱamaho vho dzhia Ndlovu nahone nga murahu goloi yawe ya Ford Raptor yo wanala yo ṱutshelwa.

Mapholisa a vha athu khwaṱhisedza khagala tshiitisi, nahone nyimele dzi kha ḓi vha fhasi ha ṱhoḓisiso.

• VHALANI HAFHU : Da Cruz u amba nga vhukhakhi ha Brandon Petersen

Muṱa wo livhuwa vhadzulapo, tshitshavha na SAPS kha u thusa kha u ṱoḓa na u ita khuwelelo ya tshiphiri nga hetshi tshifhinga tshi konḓaho.