Mugudisi ane a khou ṱumana na Chiefs o imiswa mushumoni

U imiswa hawe zwo khwathisa mafhungo a uri u khou ṱuwa kha tshigwada, vhaṅwe vhagudisi vho no ḓi ṋea ngeletshedzo ya uri a nga dzhiiwa nga Kaizer Chiefs.

Amakhosi zwazwino ina vhagudisi vha u ṱhogomela u swika khalanwaha i tshi fhela zwi tshi tevhela u pandelwa ha Nasreddine Nabi musi khalanwaha i tshi thoma.

Khalil ben youssef na cedric kaze ndi vhone vhane vha khou gudisa thimu. Fhedzi a vha athu tholiwa lwa tshoṱhe.

Zwo dovha zwa bvelela uri vhalanguli vho thoma u ṱoḓa muṅwe mugudisi ane a ḓo ranga phanḓa thimu kha khalanwaha i ḓaho.

Hezwi zwi khou itea naho Kaizer Chiefs i si kha tshiimo tshivhi sa izwi zwa zwino i kha vhuimo ha vhuṋa kha log.

Nahone nga zwitatisitiki, vha kha di vha na tshikhala tsha u wina tshiphuga.

Zwino zwo bvelela uri Sead Ramovic o imiswa kha CR Belouizdad ngei Algeria nahone tshiitisi tsha zwenezwo a tshi athu pfala.

Mugudisi o vha e kha TS Galaxy kale nahone o vha a tshi ṱangana na Naturena musi a sa athu pfulutshela Algeria.

Nga nnḓa ha ene, mafheloni a vhege ho dovha ha vha na mavharivhari a uri hu ḓo tholiwa Manqoba Mngqithi.

U bvelela hawe a tshi khou vhona vhatambi vha Kaizer Chiefs na Orlando Pirates kha DStv Diski Challenge zwo vusa dakalo.

• VHALANI HAFHU :Mavharivhari a tshuwisaho kha sitirakara tha AmaZulu

Vhatikedzi vho vhona hezwi sa tshiga tsha uri o thoma u sedza vhatambi vhaṱuku uri a vha shumise kha khalanwaha i ḓaho.