Londie London o amba nga ha tshiwo tshi tshuwisaho

Mutambi wa Real Housewives of Durban Vho-Londie London vho fhedza vho bvisela khagala uri ndi ngani vho litsha u tamba lwa tshoṱhe.

Muimbi wa minwaha ya 33 zwenezwino o amba nga ha tshenzhemo yawe i tshuwisaho kha podcast and Chill Network.

O ṱalutshedza uri u ṱangana na mushumisani nae wa munna zwi tshuwisaho zwo vha zwa u fhedzisela.

Musi hu tshi khou itwa tshipida tsha zwa vhudzekani kha tshiṱori, mutambi wa munna o thoma u mufuna nga lwa ṋama na nga zwa vhudzekani.

Londie London o pfa a sa ḓigeḓi vhukuma musi tshipida  tshi khou bvela phanḓa.

“A thi mutambi o gudiswaho nne nahone ho vha hu si na mugudisi ,” .

O ṱhogomela uri a hu na muthu we a mu lugisela zwe zwa vha zwi tshi ḓo itea kha set.

Hu sa londwi khamera na miraḓo ya fumi ya tshigwada, tshiimo tho vha tshi tshi vhonala tshi khombo vhukuma.

Londie London o vha o ambara zwiambaro zwa nga ngomu  musi mutambi a tshi thoma u fema nga maanḓa na u bva biko.

Muimbi o tenda a ri: “Ndo vha ndo sokou hanganea nga ha zwine zwa khou itea.”

“Ndo vha ndo ambara zwiambaro zwa nga ngomu zwavhuḓi. Hoyu munna o vha a tshi khou femela nṱha kha nṋe nahone a tshi khou bva biko nga maanḓa.

“Zwipiḓa zwawe zwa tshiphirini zwo vha zwo oma tshoṱhe.Ndo vha ndo sokou mangala uri hu khou itea mini.”

Tshenzhelo yo vha i tshi pfala i tshi nga ndi u tambudzwa muhumbulo u fhira mushumo wa phurofeshinaḽa.

O mbo ḓi ana uri ha tsha ḓo dovha a kanda kha casting set.

Londie London o dovha a pfesesa uri ndi ngani vhatambi vhanzhi vha tshi fhedza vho thoma u funana na vhatambi ngavho.

O tenda uri mutambi o vha a tshi kunga fhedzi o fheleledza o hoto dina  miṅwaha yawe.

• VHALANI HAFHU :Mugudisi ane a khou ṱumana na Chiefs o imiswa mushumoni

Kha Londie London, munna ane a vha muṱuku khae nga miṅwaha i si gathi u dzhiiwa sa “Ben 10.”