Maswa  malugana na mulandu wa bulayo wa shaune mogaila

Mutambi wa vhukati wa Sekhukhune United Shaune Mogaila hu khou pfala uri u khou toda thenda mulandu nga murahu ha khombo i shushaho ye ya vhulaha ṅwana muṱuku.

Mogaila o ḓi vhonadza khothe ya madzhisiṱaraṱa wa Tembisa nga Ḽavhuvhili a tshi khou hweswa mulandu wa u vhulaha muthu nga khole na u reila nga vhutsilu.

Mulandu uyu u bva kha khombo ya Khubvumedzi 2024 kha bada ya Andrew Mapheto ye ya vhulaha Gomolemo Mavimbela wa minwaha ya ṱahe.

Zwo dovha zwa sia muṅwe ṅwana, Chosen Love, e kha vhuimo vhu konḓaho.

Tshigwada tsha vhaimeleli vha Shauna Mogaila zwino tsho sumbedza ndivho yatsho ya u isa khumbelo na tshigwevho phanḓa ha musi vhege ino i tshi fhela.

VHUṰANZI

Yunithi ya Vhutshutshisi ha Phuraivethe ya AfriForum i khou imela vhomme vha vhana kha mulandu uyu.

Yuniti i khou toda khothe i tshi vhona vidio ya khombo hu sa athu fhela tshigwevho tshinwe na tshinwe.

O amba uri vidio i sumbedza zwavhuḓi goloi ya Mogaila i tshi khou ṱuwa nga luvhilo luhulwane nahone ya thulana na iṅwe goloi.

“Ndi zwa ndeme uri Khothe i vhone yeneyo vidio,” Bateman o ombedzela.

“Khothe i nga ṋea tshigwevho tsho teaho fhedzi musi yo no sedza zwavhuḓi zwe zwa itea.”

ṰHALUTSHEDZO

Vha muṱa wa ha Mavimbela na Khethiwa vha kha ḓi vha vho tsikeledzea nga khombo ye ya shandula vhutshilo havho.

Shaune Mogaila, we a thoma a shavha henefho fhethu a sa athu ḓi isa kha mapholisa, o bva nga beili ya R20,000.

• VHALANI HAFHU :  Orlando pirates yo vhuyelela kha vhuimo ha nṱha

Mulandu wo fhiriselwa phanḓa u swika nga ḽa 30 Ṱhafamuhwe u itela u tendela Vhatshutshisi u sedzulusa zwe zwa ṋetshedzwa.