Mavharivhari a tshuwisaho kha sitirakara tha AmaZulu

U pandelwa ha mirado mivhili ya vhagudisi vhahulwane nga u ṱavhanya zwi khou itiswa nga u sa tendelana ha nga ngomu he ha dzinginyisa AmaZulu FC.

Zwo bvelela uri u fhandekana ha vhushaka zwo ita uri tshigwada tshi dzhie tsheo yo khwaṱhaho malugana na vhagudisi.

Muthusa mugudisi Vho-Simo Dladla na mulanguli Vho-Pedro Dias vha do bva kha tshigwada musi khalanwaha i tshi fhela.

Zwazwino ho pfala uri Dladla u khou ṱuwa nga nṱhani ha u sa tendelana na mugudisi Arthur Zwane.

Vhalanguli vha khou ofha uri u sa anḓana hu ḓo thithisa mvelaphanḓa ya thimu musi vha tshi khou sedza u fhaṱa  fomo yavhuḓi ya ino khalanwaha.

Vhathu vha nga ngomu vhari lutamo lwa Dladla lwa u vha mutambi wa phanḓa lwo ita uri thimu ya vhagudisi vha sa fulufhelane.

Hu dovha ha vha na mavharivhari a uri Dladla o vha a tshi khou dzhiela fhasi Zwane uri a vhonale e khwine kha vhalanguli.

Bodo mathomoni yo vha i tshi ṱoḓa uri vha ṱuwe nga u ṱavhanya, fhedzi nga murahu ya tenda uri a mu tendele a fhedze khalanwaha.

“Vhushaka vhukati ha Zwane na Dladla ho vha vhu vhuvhi vhukuma,” ho topolwa tshisima nga Sportwire.

Dladla o dzhoina AmaZulu nga murahu ha u bvelela kha u takusa Durban City u ya kha vhuimo ha nṱha ṅwaha wo fhiraho.

Nga hetsho tshifhinga, Pedro Dias o sedzana na u bva kha tshigwada zwi sa ṱanganedzei.

• VHALANI HAFHU: Mutambi wa phanda wa Chiefs u khou toḓea mashangoni a nnḓa

Dias u khou sedzana na mavharivhari mahulwane a u ṱoḓa tshelede kha vhalanguli vha vhatambi vho sainwaho nga tshigwada.