Cedric Kaze uri Chiefs i khou ita zwavhudi u fhira murahuni

Musi vha tshi khou sedzana na mbiti dza vhatikedzi vhane vha khou toda u pandelwa hawe, mugudisi wa Kaizer Chiefs Cedric Kaze o vula bugu dza divhazwakale na zwitatisitiki zwa zwenezwino u itela u di imelela.

Vhatikedzi vha Chiefs vho mbo di gwalabela vha ya ofisini khulwane dza kilabu ngei Naturena vha ita khumbelo kha vhalanguli uri vha pandele Kaze na mugudisi ngae Khalil Ben Youssef.

Fhedzi Cedric Kaze o bvisa zwidodombedzwa zwine zwa sumbedza uri nyimele ya Kaizer Chiefs a si mmbi sa zwine vhanzhi vha humbula zwone.

Musi vha tshi sumba bodo nga hedzi mbalo kha muṱangano wa vhoramafhungo nga Ḽavhuṋa, Kaze uri thimu i khwine vhukuma u fhira kha khalanwaha yo fhiraho.

U VHAMBEDZA
Kaze o vhambedza nyimele ya thimu kha khalanwaha dzo fhiraho nga murahu ha mitambo ya 18, na nyimele ya zwino.

U amba uri zwa zwino thimu ina poindi nnzhi u fhira kha khalanwaha mbili dzo fhelaho nahone yo no kundwa mitambo miṱuku:

khalanwaha ya 2023/24: 25 poindi, vhuimo ha vhu 10, nahone yo no kundwa mitambo ya sumbe.
Khalanwaha ya 2024/25: 24 poindi, vhuimo ha vhu 9, nahone yo no kundwa mitambo ya 8.
Kha ino khalanwaha (2025/26): i na 30 points, u kha vhuimo ha vhu 6, nahone oy kundwa mitambo miṋa fhedzi.

“Fhedzi ṋamusi nga murahu ha mitambo ya 18 ro no kundwa kha mitambo miṋa fhedzi nahone ri na 30 points,” ho ṱalutshedza Kaze.

Naho vho vha vha tshi khou tambula zwenezwino, Kaze o dzumbulula uri vha kha ḓi vha thimu ya vhuvhili kha zwa clean sheets.