Kaizer chiefs i na fulufhelo kha tshiimo tsha petersen

Kaizer Chiefs yo wana mafhungo a takadzaho malugana na mukaputeni wayo Brandon Petersen sa izwi hu tshi khou pfala uri o vhuyelela gym.

Mulindavhuno wa minwaha ya 31 ha athu tamba ubva tshe a itwa muaro wa u vha na tshilonda thumbuni.

Hezwi zwi khou ḓa maḓuvha a si gathi phanḓa ha mutambo we wa vha wo lavhelelwa vhukuma.

U dzhena vhuongeloni ha Brandon Petersen nga u ṱavhanya zwo vha na masiandoitwa mahulwane kha tshigwada tsha Kaizer Chiefs.

Mulindavhuno o vha phuphu ya vhatambi vha murahu vha thimu ino khalanwaha, nahone o dzula o kuna kha mitambo yawe ya 15 kha ya 27.

Musi a siho, thimu yo vha i tshi khou tambula, yo kundwa mitambo miṋa kha miṱaṱisano yoṱhe.

VHUIMO HA PETERSEN
Chiefs i do tangana na Durban City ine ya vha kha fomo ya vhudi ano maduvha, FNB Stadium nga Swondaha nahone i tea u wina.

Naho Petersen o no thoma u gudiswa. Fhedzi hu khou pfi ha athu vhuya kha thimu nga vhuḓalo nahone madokotela vha khou tenda uri ha nga ḓo tamba mafheloni a vhege ano.

Nahone zwi vhonala unga ha nga vhuyi u swika nga murahu ha tshifhinga tsha u awela tsha dzitshaka tshine tsha thoma mafheloni a uno nwedzi.

Tshifhinga tsha u awelatshi doda nga murahu ha mutambo wa Chiefs na Magesi FC nga dzi 21 dza ṅwedzi wa Ṱhafamuhwe.

• VHALANI HAFHU: Maswa  malugana na mulandu wa bulayo wa shaune mogaila

U ita muaro wa Petersen zwo dovha zwa ita uri a si kone u ṱanganela kha tshigwada tsha Hugo Broos kha mitambo ya vhukonani na Panama.