Miss SA 2026 yo ḓivhadza tshanduko kha pfufho dzayo

Dzangano ḽa Miss SA ḽo ḓivhadza tshanduko kha  pfufho na mbekanyamushumo dza mveledziso dza 2026.

Tshikwama tshiswa tsha R5 miḽioni tsha Women’s Leadership Impact Fund tshi ḓo tikedza vhafumakadzi vhaṱuku kha vhurangaphanḓa, vhubindudzi na kha thandela dza tshitshavha,

Ngeno Tshikwama tsho fhambanaho tsha R1 miḽioni tsha u fhedzisela tsha Empower Youth Africa Fund tshi tshi ḓo tikedza vhukando ho rangwaho phanḓa nga Top 12.

Vhaṱaṱisani vhoṱhe vha 12 vha ḓo kovhelana R300 000 ya pfufho dza masheleni na u wana vhupfumbudzi, u guda nga ha vhurangaphanḓa, thikhedzo ya mutakalo na zwikhala zwa vhukwamani ha phurofeshinaḽa.

Muwini u ḓo wana masheleni a linganaho R1 miḽioni na Tshikwama tsha Mvelelo tsha R500 000. First Princess u ḓo wana R250 000 na R150 000, ngeno second princess a tshi ḓo wana R150 000 na R100 000 nga u tevhekana.

Vhararu vha nṱha vha ḓo dovha vha swikelela zwikhala zwa mveledziso ya vhulanguli na nethiweke dza vhurangaphanḓa.

Mutikedzi wa Miss SA Vho Dokotela Precious Moloi-Motsepe vhari dzangano ḽi khou sedza kha u bveledza vharangaphanḓa vha vhafumakadzi vha matshelo.

• VHALANI ZWINWE : U alusa vhana vho tsireledzeaho kha Ḽifhasi ḽa Digital

Muwini wa 2026 u ḓo rwelwa khare nga ḽa 14 Lara ngei Sandton Convention Centre .