Uncategorised

Ndi mini tshi ṱuṱuwedzaho u shaea ha mishumo Afrika Tshipembe

Mvelelo dza Quarterly Labour Force Survey dza Statistics South Africa dzi sumbedza uri nyimelo ya u sa shuma yo gonya hafhu kha kotara ya vhuraru, ya swika 33.7% u bva kha 33.6% ya kotara yo fhiraho.

Izwi zwi sumbedza uri makete wa mishumo u kha ḓi vha na mutsiko, naho hu tshi vha na zwiṅwe zwiga zwa u bvela phanḓa.

Nga tshifhinga tsha July u swika September, vhathu vha re mishumoni vho engedzea nga 101,000, vha swika 16.8 million.

Fhedzi nga tshifhinga tshenetsho, na vha sa shumi vho dovha vha engedzea nga 97,000, vha swika 8.6 million.

Izwo ndi zwone zwo ita uri phesenthe ya u sa shuma i gonye naho mishumo yo engedzea.

Tshivhalo tsha vho ḽataho fgulufgelo kha u ṱoḓa mushumo  (discouraged job seekers) tsho gonya nga 70,000, tsha swika 3.7 million. Ngauralo, “broader unemployment rate” ine ya katela na vhane vha tama mushumo fhedzi vha sa tsha u toda nga maanḓa yo gonya ya swika 44.0% u bva kha 43.8%.

Kha formal sector, mishumo yo engedzea nga 268,000, ya swika 12.3 million. Fhedzi informal sector yo xela mishumo ya 98,000, ngeno private households dzo xela 68,000. Kha nyengedzedzo, sekithara dza finance dzo isa phanḓa nga 111,000, manufacturing nga 33,000, na mining nga 31,000.

U sa shuma ha vhaswa vha miṅwaha ya 15 u swika 34 ho fhungudzea zwiṱuku ha swika 47.3%, fhedzi hu kha ḓi fhira nga kule avaredzhi ya lushaka.

Izwi zwi khwaṱhisedza uri Afurika Tshipembe i kha ḓi sedzana na khaedu khulwane ya u sika mishumo yo linganaho u ṱanganedza vhashumi vhane vha khou dzhena maketeni nga vhunzhi.