Pirates i bvukulula zwe zwa vusuludza Mbuthuma
Mugudisi wa Orlando Pirates Vho-Abdeslam Ouaddou vho khoḓa vhatikedzi vha tshigwada tsha Durban kha u vusuludza fomo ya Yanela Mbuthuma.
Vhatikedzi vho pfala vha tshi khou vhidzelela dzina ḽa Mbuthuma musi hu tshi khou tamba mitambo mivhili ya Pirates ngei Kings Park Stadium vhege yo fhiraho.
Hezwi zwi khou ḓa nga tshifhinga tshine mutambi wa phanḓa a khou sedzana na u sasaladzwa huhulwane nga u kundelwa u shumisa zwikhala zwawe.
Mbuthuma o tamba mutambo munwe na munwe kha Pirates kha ino khalanwaha, fhedzi ha athu u kora tshikoro.
Fhedzi Ouaddou uri vhatikedzi vha Durban vho ita phambano khulwane kha mutambi wa minwaha ya 24.
Uri o vhona Yanela Mbuthuma a tshi khou tamba nga fulufhelo musi Orlando Pirates i tshi kunda Chippa United nga zwikoro zwiraru kha gumba nga Swondaha.
“Arali nda sedza Mbuthuma sa mugudisi, u khou ita mushumo wavhuḓi na thimu,” ho amba Ouaddou.
Vho amba uri naho vha tshi ṱoḓa uri mutambi a shume khwine phanḓa ha tshikoro, ho ngo fanela u xelelwa nga fulufhelo nga ṅwambo wa tshifhinga tshi konḓaho.
“Ndi khou ṱoḓa vhukuma u mu vhona a tshi ita khwine phanḓa ha tshipikwa,” ho bvela phanḓa mugudisi.
“Fhedzi hezwo a zwi ambi uri ri fanela u vhulaha hoyu mutambi wavhuḓi arali zwithu zwi tshi kha ḓi mu lwisa.
“U na vhumatshelo havhuḓi kha Pirates.Ri fanela u mutikedza nahone ndi livhuwa vhukuma vhatikedzi vha Durban vhe vha mu ṋea fhulufhelo.
“Wo vha mulaedza wavhuḓi vhukuma khae nahone u nga zwi vhona uri o vha a tshi dovha a vha na fulufhelo nga ṅwambo wa mulaedza u bvaho kha vhatikedzi.