Ngwenya o bvukulula zwine zwa ita uri a shumese kha AmaZulu

Thandolwenkosi Ngwenya o sumbedza vhukoni hawe sa izwi o thoma khalanwaha ya 2026/27 nga nḓila i mangadzaho kha AmaZulu FC.

Mutambi uyu wa minwaha ya 23 o kora zwikoro zwitanu kha mitambo mina kha mitatisano yothe.

Ngwenya o kora tshikoro tsha u thoma musi vha tshi kunda Stellenbosch FC nga 1-0 kha mutambo wa u vula wa Betway Premiership.

O mbo ḓi gavhiwa zwikoro zwivhili musi AmaZulu i tshi kundwa nga 4-3 nga Sekhukhune United kha MTN8.

O dovha a dzhia tshikoro musi hu tshi kha ḓi tou bva u fhela tshifhinga tsha u awela musi AmaZulu i tshi ṱangana na Orlando Pirates nga 1-1.

Nga Mugivhela, o dovha a dzhia tshiṅwe musi Usuthu i tshi kunda Siwelele FC nga 2-0.

Zwazwino u kha zwikoro zwiṱanu, na u thusedza huthihi kha mutambi ngae.

Thandolwenkosi Ngwenya uri u khou sedza khaedu ya u dzhia Lesley Manyathela Golden Boot kha mitambo ya Betway Premiership ino khalanwaha.

Khalanwaha yo fhelaho o kora zwikoro zwa sumbe kha mitambo ya 17, a vha mutambi wa nṱhesa wa AmaZulu.

• VHALANI HAFHU: Mulaedza wa Maseko sa mutambi muswa wa FC Copenhagen

Uri u tuwa ha vhatambi vhanwe vha Zimbabwe kha Betway Premiership zwo ita uri a zwi vhone uri u khou tea u shuma nga maanda.