Limpopo Boy o hanedza uri World Tour 10 yo khanselwa
Matome Robert Mahlatse, we a ḓiitela dzina nga u tshina Afrika Tshipembe na mashangoḓavha, o khwaṱhisedza uri World Tour 10 yawe i kha ḓi bvela phanḓa.
Matome Robert Mahlatse, ane a divhiwa nga dzina la Limpopo Boy, u khwathisedza hezwi nga murahu ha mavharivhari a uri o nwala tshitatamennde, musi hu tshi bvelela mafhungo a u funana hawe na mufumakadzi o malwaho.
Kha tshifhinga tsho fhiraho, ho vha hu na mivhigo ya uri pulane dzo ḓoweleaho dza khontsathi dzo fheliswa nga murahu ha musi ho bviswa vidio ya ene na Matshidiso Matilda vha songo ambara.
U bviswa ha video zwo kombetshedza Limpopo Boy uri a humbele pfarelo kha vhatevheli na vhanwe vhathu vho kwameaho nga tshiwo itshi.
Kha tshitatamennde tshawe tsha u humbela pfarelo, o ri, “Ndo zwi wana nga murahu ha musi vidio yo no phaḓalala uri o maliwa.
“Ndo vha ndi tshi fanela u khwaṱhisedza tshiimo tshawe tsha mbingano ndi sa athu dzhena kha vhushaka nae. Nga zwenezwo, ndi humbela pfarelo,” Limpopo Boy o dzumbulula.
“Ndi khou toda u humbela pfarelo kha muta wa ha Shai kha vhutungu vhuhulwane he nda vha vhangela hone. A tho ngo aluswa nga heyo ndila. A thi dzheni mahayani a vhathu.”
Mafhungo a zwenezwino a sumbedza uri World Tour 10 i ḓo bvela phanḓa nga murahu ha ṅwaha uno.
- VHALANI HAFHU: Ngwenya o bvukulula zwine zwa ita uri a shumese kha AmaZulu
Mivhigo ine ya khou phaḓalala kha zwileludzi zwa vhudavhidzani yo khwaṱhisedza uri vha ḓo vha vha tshi khou ita luswayo lwavho ngei Switzerland nga Khubvumedzi 2026, vha tevhelwa nga Russia nga nwedzi wa lara 2026.