McCarthy o amba vhuḓipfi hawe musi o kora vha tshi tamba na Dortmund 

Aden McCarthy o amba nga ha dakalo la u kora tshikoro tshawe tsha u thoma kha Sabah FK.

O kora tshikoro musi vha tshi tamba na Borussia Dortmund kha UEFA Champions League. 

Mutsireledzi wa Afrika Tshipembe o dzhena kha Sabah a tshi bva kha Kaizer Chiefs phanḓa ha musi khalanwaha i tshi thoma.

O dzhia tshikoro musi thimu yawe i tshi kundwa nga 2-1 kha Dortmund nga Ḽavhuvhili vhusiku.

Naho Sabah i songo wana mvelelo ye ya vha i tshi khou i ṱoḓa, Aden McCarthy uri tshikoro tsho mu sumbedza uri tshiṅwe na tshiṅwe tshi a konadzea kha bola ya milenzhe.

Mutambi wa minwaha ya 22 o tenda uri o vha a songo lavhelela u kora musi vha tshi tamba na Dortmund.

O amba uri o vha a songo pulana tshifhinga hetshila, fhedzi o sokou ḓi wana e kha vhuimo ha u kora.

“Ndo zwi sumbedza hezwo madekwana a ṋamusi.Ndo vha ndi sa khou lavhelela u kora.

“A u pulani hezwi zwithu, fhedzi zwo itea nga hetsho tshifhinga nahone ndo takala badi” o isa phanda.

• VHALANI ZWINWE : Big brother Mzansi i khou vhuya kha season 7

Tshipikwa ndi tshikoro kha Aden McCarthy musi a tshi khou isa phanḓa na u ḓiitela dzina kha bola ya milenzhe ya Europa.

U tamba na tshigwada tshihulwane sa Dortmund, na u kona u vha kora kha thonamennde khulwane ya Europa, zwi ḓo vha zwithu zwine a ḓo zwi humbula lwa tshifhinga tshilapfu, naho Sabah yo fhedza yo kundwa .