Mhlongo u khoḓa kushumele kwa Pirates kha ino khalanwaha

Mukapuṱeni wa kale wa Orlando Pirates Vho-Benson Mhlongo vha khoḓa vhatambi vha tshigwada na vhalanguli vhatsho kha khalanwaha yavhuḓi, he vha kona u wana zwiphuga zwiraru.

Buccaneers yo swikelela iṅwe khalanwaha ya u kunda zwiphuga zwiraru nga murahu ha musi yo engedza tshiphuga tsha Betway Premiership kha gundo ḽa MTN8 na Carling Knockout.

 Mhlongo u ṱalutshedza uri u bvelela ha kilabu ho vha hu si nga u ṱavhanya; zwo vha zwi tshipiḓa tsha bono ḽavho ḽa tshifhinga tshilapfu.

“Pirates ino khalanwaha yo vha i kha fomo ya ntha. Ndi nga si kone na u nanga tshikoro kha vhatambi vhayo sa tshikoro tsha khalanwaha ngauri vhothe vho vha vho tewa nga pfufho. Vho fha Sundowns khaedu yo khwathaho,” Mhlongo o vhudza KickOff.

“Ri fanela u dovha ra fhululedza avha vhatambi vhaswa kha u wina treble. Murafho uyu zwino ndi tshipida tsha divhazwakale ya kilaba.

“Vho no wina treble,   Zwino vha vhukati ha vhahulwane vha Orlando Pirates. Vha kha bugu dza divhazwakale ya kilaba.”

“Ndi na fulufhelo ḽa u vha vhona vha tshi wana ṋaledzi ya vhuvhili kha tshigwada. Ri fhululedza vhatambi, vhagudisi, na vhalanguli.

“Ndi kha ḓi ḓo vhona mudzulatshidulo a tshi thola mugudisi ane a do bvelele. U dzulela u ḓisa muthu muswa, muthu ane a ri athu pfa nga hae, fhedzi u a ḓivha u nanga mugudisi ane a pfesesa Pirates.”

•  VHALANI HAFHU: Broos u ṱalutshedza uri ndi ngani o nanga Cross

“Ro livhuwa Nkosana na Mpumi Khoza. Musi vha tshi thoma bono ḽavho ḽa u vhuisa vhatambi vhaswa- thimu dzi ngaho dza murafho wa vho Gift Leremi na Tso Vilakazi- ro zwi vhona bono iḽo ḽi tshi khou bvelela. Vha fanela u dzhielwa nṱha kha bugu dza ḓivhazwakale.”