Vhatambi vha Bafana Bafana vho lugela u ya USA

Vhatambi vha Bafana Bafana vha khou di lugisela u fhufha nga jet vha tshi ya kha khaphu ya lifhasi ya FIFA nga murahu ha musi minisiṱa wa mitambo, vhutsila na mvelele Vho-Gayton McKenzie vho khwaṱhisedza uri visa dzavho dzo luga.

Bafana vho vha vho dzudzanya u takuwa vha tshi ya Mexico nga matsheloni a Swondaha, fhedzi pulane dzavho dzo mbodi thithisea nga ṅwambo wa mafhungo a visa.

Fhedzi zwino zwo khwathisedzwa uri vhatambi vhothe vha do ṱuwa vha ya kha FIFA World Cup nga Musumbuluwo nga murahu ha musi vho no wana visa dzavho.

McKenzie o khwaṱhisedza uri vhaofisiri vhararu, hu tshi katelwa na muthusi muthihi wa mugudisi vha kha ḓi lindela visa dzavho.

“Vhatambi vhothe vha @BafanaBafana vho wana visa dzavho dza u ya USA, dzo salelaho ndi dza muthusi wa mugudisi, dokotela wa thimu, mugudisi muhulwane na muṱoḓisisi muthihi,” Mckenzie o ṅwala kha Twitter.

• VHALANI HAFHU: Mhlongo u khoḓa kushumele kwa Pirates kha ino khalanwaha

Bafana i do vha na mutambo muthihi wa vhukonani na Jamaica nga ḽa 5 Fulwi, phanḓa ha musi i tshi tamba na Mexico kha mutambo wa u vula wa Tshiphuga tsha Ḽifhasi.