Maumela Mahuwa o fhumudza mafhungo a uri u khou tambula
Mutambi wa matambwa wa Afrika Tshipembe Maumela Mahuwa, ane a ḓivhelwa u tamba sa Susan kha litambya la Muvhango.
Zwenezwino o vusa nyambedzano kha inthanethe nga murahu ha musi tshinepe tshawe a tshi khou rengisa mitshelo na miroho tsho phaḓalala.
Tshifanyiso, tsho kovhelwaho nga mushumisi wa zwileludzi zwa vhudavhidzani @miShumoZA_ tsho sumbedzisa uri mutambi wa matambwa o vha o sedzana na vhuleme ha zwa masheleni nga murahu ha u fhela ha miṅwaha ya 28 ya soapie nga 2025.
Poswo yo vhalea nga u rali: “Mutambi wa matambwa wa Muvhango u khou tambula. Zwino u khou rengisa mitshelo na miroho zwiṱaraṱani,” zwe zwa ita uri hu vhe na phindulo nnzhi kha dzipulatifomo dzoṱhe.
Fhedzi vhatikedzi vho ṱavhanya u imelela Mahuwa, vha tshi ombedzela uri u rengisa zwibveledzwa a zwi lingani na u tambula ha masheleni.
“Ndi mini zwine zwa ita uri ni ambe uri u khou tambula nga ṅwambo wa u rengisa mitshelo fhedzi?” hu vhudzisa @zeusblxckthe1st.
“Ngeno @Mimi_Shoki o engedza nga uri: “U khou zwifha, hoyu mufumakadzi ha khou tambula, u fanela u mu ṱalela thwii kha TikTok.”
Muṅwe mushumisi, @chrisnkuna, o dadzisa, a ri: “U khou wana tshelede nnzhi zwino u fhira zwe a vha a tshi zwi ita sa mutambi wa matambwa, ngauralo zwi tou vha khagala uri ha khou tambula.”