Black Coffee Foundation yo thoma thandela ya Gift of Sight
DJ a ḓivheaho na muthu ane a thusa vhaṅwe Black Coffee u khou dzhia maga a u khwinisa tswikelelo ya vhana kha ṱhogomelo ya maṱo u mona na Afrika Tshipembe nga u thomiwa ha vhurangeli ha Gift of Sight nga Black Coffee.
Mbekanyamushumo i ḓo thoma lwa tshiofisi nga Musumbuluwo, ḽa 9 Luhuhi 2026, ngei Tshikoloni tsha Phuraimari tsha Thabisang ngei Soweto.
Hune vhagudiswa vha fhiraho 700 vha ḓo ṱoliwa nga nḓila yo fhelelaho na tshifhinga tsha u ṋetshedzwa ha yunifomo ya tshikolo yo dzudzanywaho nga foundation.
Vhana vho topolwaho vha na khonadzeo ya thaidzo dza u vhona vha ḓo wana ndingo dzo fhelelaho dza maṱo na dzilafho la mahala musi vha tshiya u toliwa lu tevhelaho u vhona uri thaidzo dzi tandululwa nga u ṱavhanya.
Vhukando vhu khou sedza kha u lwa na vhushaka vhune kanzhi ha dzhielwa fhasi vhukati ha u vhona na kushumele kwa zwa pfunzo.
Hu tshi dzhielwa nṱha uri u ṱavhanya u wana thaidzo dza u vhona zwi nga khwinisa vhukuma vhukoni ha ṅwana ha u vhala, u ṅwala, u livhisa ṱhogomelo, na u shela mulenzhe nga vhuḓalo tshikoloni na kha miṅwe mishumo.
Nga murahu ha u rwelwa ṱari ha Gauteng, mbekanyamushumo i ḓo ṱanḓavhudzelwa kha zwikolo zwa maṅwe mavunḓu, u ṋetshedza vhagudi shango ḽoṱhe tshikhala tsha u ita ndingo dza maṱo avho.
Thandela i khou tshimbidzwa nga u shumisana na Dokotela wa Maṱo Vho Tania Noach T/A Vision Works Benmore, Morningside Eye,
Dzangano ḽa Maṱo ḽa Afrika Tshipembe (SAOA), na EyeCare4Kids, nga thikhedzo ya mafunda u bva kha Love Maison33 na JHB VIP.
Nga nnḓa ha u sedzulusa ha ha maṱo, vhana vhane vha ṱoḓa dzilafho ḽa nṱhesa kana u itwa muaro vha ḓo rumelwa kha vhaḓivhi nga kha madzangano a vhafarisani ane a nga ṋetshedza ṱhogomelo yo teaho.
“ Uvhona zwavhuḓi ndi zwa ndeme uri vhana vha kone u shela mulenzhe nga vhuḓalo tshikoloni na vhutshiloni,” ho amba Vho Lungie Maphumulo, Mulanguli Muhulwane wa Black Coffee Foundation.
“Tshithu tshi leluwaho sa thaidzo ya u xelelwa nga u vhona tshi nga ita uri u guda zwi konḓe, zwa kwama fulufhelo, na u fhungudza khonadzeo dza ṅwana.
- VHALANI HAFHU: Maumela Mahuwa o fhumudza mafhungo a uri u khou tambula
“Nga kha thandela ya Gift of Sight nga Black Coffee, ri ṱoḓa u vhona uri u thaidzo ya mato a i imi phanda u bvelela ha muthu.”