Lerato Kganyago o vha ṱhoho dza mafhungo mafheloni a vhege
Muthu wa nyanḓadzamafhungo wa Afrika Tshipembe Vho-Lerato Kganyago vho vha ṱhoho dza mafhungo mafheloni a vhege.
Musi hu tshi bvelela uri munna wavho Vho-Thami Ndala vho laedzwa nga khothe khulwane ya Johannesburg uri vha bve kha nnḓu ya vhuimo ha nṱha ya Northcliff ye vha vha vha tshi dzula khayo.
Ndaela i kwama Hillel Villa na Spa, ine ya wanala kha 14 Hillel Avenue, he vho Ndala vha vha vho hira na u bveledza fhethu honoho uri hu vhe hodela na spa.
Maṅwalo a khothe, o vhigwaho nga Daily Sun nga ḽa 7 Thafamuhwe 2026.
Khaṱhulo i dovha ya thivhela vho Ndala na khamphani yavho u tambudza muraḓo muṅwe na muṅwe wa muhumbeli kana vhakonṱiraka vho tholiwaho u tsireledza thundu,
Ya dovha ya ṋea maanḓa Sheriff u dzhia maga o teaho arali zwa swikakha u vha bvisa ngau tou kombetshedza.
Fhethu afha ho rengwa nga mulanguli wa Urban Mountain Vho Feizal Esposito Lorgat nga R4.5 miḽioni nga ḽa 19 Ṱhafamuhwe 2021,
Nga murahu ha zwenezwo wa hiriselwa khamphani ya vho Ndala nga R28,000 nga ṅwedzi nga ḽa 17 Ṱhafamuhwe 2021.
Khakhathi yo vha hone nga murahu ha musi Ndala o no dzula na u bveledza fhethu, zwa ita uri hu vhe na maitele a mulayo malugana na pfanelo dza vhuṋe na u hira.
Vho Ndala na Kganyago vho vha vho no ḓi kokodza ṱhogomelo musi vidio dza muthu wa nyanḓadzamafhungo vha tshi khou pembelela u rengwa na u bveledzwa ha hodela na spa dzi tshi phaḓalala kha inthanethe.