Vha Pirates vho swikisa mulaedza wo khwathaho kha vhatikedzi

Orlando Pirates yo ṋetshedza iṅwe ya mutambo yayo yo fhelelaho kha khalanwaha, fhedzi kha Abdeslam Ouaddou, mvelelo yo vha i tshi fhira u sokou vha na zwikoro.

Orlando Pirates yo dzula nṱha kha Betway Premiership, nahone mugudisi muhulwane Vho-Abdeslam Ouaddou vha khou ṱoḓa u sumbedza dzhango zwine vhukoni ha bola ya milenzhe ya Afrika ha nga zwi swikelela.

U kunda ha TS Galaxy nga 6-0 ngei Mbombela zwo ita uri Orlando Pirates i vhuyelele kha vhuimo ha nṱha ha Betway Premiership. 

MUGUDISI WA ORLANDO PIRATES O AMBA NA GOGO
Ouaddou o zwi bvisela khagala uri naho thikhedzo ngei Mbombela yo vha yo khwaṱha, a si phindulo dzoṱhe dzi bvaho kha zwiṱitshi dzo sumbedzaho maanḓa a fanaho, nga maanḓa musi vhatambi vha tshi ita vhukhakhi.

“Ndi vhona unga zwi fhira u fhindula, ndi mutambo wa vhudi vhukuma kha rine, ndi phindulo ya vhudi vhukuma kha vhathu vhane vha vha sivhe na vhutanzi nga ha u ḓikumedzela, nga ha u ḓikumedzela ha vhatukana.

“Ni a ḓivha, ndi dzulela u amba uri a hu na muthu kha thimu yashu ane a khou ḓa mudavhini a tshi ṱoḓa u kundwa kana u ḓiimisela u ita draw,” Ouaddou o vhudza SuperSport .

“Nahone ndi vhona unga  vhathu vha tea u pfesesa uri vhathu vhothe, vhatambi vha khou  tamba vho di funga ro kora zwikoro zwa rathi namusi ngauri ro vha na thikhedzo ya vhudi vhukuma nga vhatikedzi vha ngoho – tshifhinga tshothe musi ri tshi da fhano doroboni yeneyi ri na thikhedzo ya vhudi vhukuma.

“Tshifhinga tshoṱhe musi ri tshi ya Durban, ri na thikhedzo yavhuḓi vhukuma na vhatambi vha a pfa thikhedzo yeneyo.

• VHALANI HAFHU: Xoki a nga vha a ndilani ya u bva kha orlando pirates

“Ngauralo, ri fhululedza vhatukana ṋamusi – ri rumela mulaedza wo khwaṱhaho wa uri a ro ngo neta nahone ri ḓo lwa u swika kha sekondi ya u fhedzisela sa zwe nda amba,” o engedza nga u ralo.