Makaab o bvisela khagala vhushaka ha Mngqithi na Chiefs
Mafhungo ane a khou ṱumanya Manqoba Mngqithi na Kaizer Chiefs a khou bvela phanḓa.
Zwino mulanguli wa mugudisi Vho-Mike Makaab vho fhedza vho amba nga ha mafhungo aya.
Manqoba Mngqithi lo no vha ḽiṅwe ḽa madzina ane a ḓa lunzhi musi hu tshi ḓa kha mugudisi a tevhelaho wa Kaizer Chiefs.
Amakhosi yo vha i si na mugudisi ubva tshe Nasreddine Nabi a ṱuwa zwi songo lavhelelwa mathomoni a ino khalanwaha.
Cedric Kaze na Khalil Ben Youssef ndi vhone vhane vha khou ranga phanḓa thimu lwa tshifhinganyana u swika khalanwaha i tshi fhela.
Mngqithi o ḓiitela dzina nga u vusa Golden Arrows uri i vhe iṅwe ya thimu dzine dza kunga vhathu kha ḽigi.
O bvelela kha u ṱanganya vhatambi vhaswa, a vha dzhenisa muhumbulo wa vhuhali na u vhofholola vhukoni havho ha mvelo.
Fhedzi uya nga ha Makaab, ahuna tshithu tsha tshiofisi tsho bvelelaho kha vha Chiefs.
“Ho vha na mavharivhari kha nyanḓadzamafhungo, fhedzi a thi athu vha na nyambedzano dza tshiofisi na Kaizer Chiefs nga ha Manqoba Mngqithi,” Makaab o vhudza FARPost.
Mulanguli a re na tshenzhemo o dovha a zwi bvisela khagala uri Mngqithi ha ṱoḓi u “maketwa” nga ṅwambo wa u bvelela hawe.
“Manqoba ndi mugudisi a re na tshenzhemo vhukuma, nahone u bvelela hawe zwi tou vha khagala,” Makaab o engedza nga u ralo.
“A thi vhoni u nga hu na ṱhoḓea ya uri ndi rengise Manqoba nga ngomu ha Afrika Tshipembe.”
- VHALANI HAFHU: Pitso Mosimane o amba nga ha mbambe ya tshiphuga tsha ligi
Fhedzi vho ombedzela uri thimu inwe na inwe ine ya vha na dzangalelo i tea u thonifha uri Mngqithi u kha di vha fhasi ha thendelano na Arrows.