Sekhukhune United i ṱoda u saina  mutambi wa Niger

Tshigwada tsha Betway Premiership tsha Sekhukhune United tshi khou pfala tshi tsini na u fhedzisa u renga mutambi wa kale wa tshigwada tsha Ghana Asante Kotoko.

Mivhigo i bvaho Ghana i amba uri mutambi a re na tshenzhemo – Samba O’Neil – o tendelana kha thendelano ya miṅwaha mivhili na Babina Noko.

U khou lavhelelwa u fhedza zwo salaho nga murahu ha tshifhinga tsha u awela tsha dzitshaka.

Arali thendelano iyi ya fhelela, i ḓo vha iṅwe ya mvelaphanḓa khulwane kha makete wa u rengisa vhatambi sa izwi Sekhukhune United i tshi khou bvela phanḓa na u khwaṱhisa tshigwada tshayo phanḓa ha khalanwaha ntswa.

O’Neil o ṱutshela Asante Kotoko nga murahu ha khalanwaha yavhuḓi ya 2025/26 ye a vha e vhukati ha vhatambi vhane vha tamba zwavhuḓi.

O no kora zwikoro zwa rathi kha mitambo ya 34 kha mitatisano yothe.

U tamba hawe ha maimo a nṱha zwo ita uri a wane tshikhala  tsha u vha mukapuṱeni, zwine zwa sumbedza uri ndi wa ndeme lungafhani kha thimu.

Naho o bebwa Congo, O’Neil u tamba kha thimu ya lushaka ya Niger nahone zwa zwino u gammbani na thimu yawe ya lushaka i tshi khou lugisela mitambo i ḓaho na Benin na Mauritania.

U swika hawe Afrika Tshipembe zwi nga vha tshikhala tshihulwane khae tsha u ḓi sumbedza kha iṅwe ya ligi dzi konḓaho vhukuma Afrika.

• VHALANI ZWINWE : Magesi na mulaedza kha vhatikedzi malugana na u tsela fhasi

Naho Sekhukhune United i sa athu khwaṱhisedza lwa tshiofisi u saina, zwithu zwoṱhe zwi sumbedza uri Samba O’Neil u tsini vhukuma na u vha mutambi wavho.