Botlhale Boikanyo kha season II ya Breaking Down Borders Africa
Musi a tshi wina SA’s Got Talent a na miṅwaha ya 11 fhedzi, zwo vha zwi tshi tou vha khagala uri Botlhale Boikanyo o vha o vhetshelwa vhuhulwane.
Nga murahu ha minwaha i fhiraho fumi, o bvela phanda na u aluwa kha nḓowetshumo.
Nga murahu ha SGT, Botlhale o ḓibvelezisa kha lushaka nga mishumo ya u ranga phanḓa kha mbekanyamushumo dzi katelaho ‘Scandal’ ya e.tv na filimu dzo winaho pfufho ‘The Deal’ na ‘What About the Boys’.
Murendi na mutambi wa matambwa we a wina pfufho zwino u kha iṅwe nndwa ya mushumo wawe.
O tou ḓivhadza lwa tshiofisi uri ndi vhone tshifhaṱuwo tsha mutevhe wa bugu dza nyendo dzine dza pfi Breaking Down Borders Africa.
Botlhale o dzhia vhulanguli kha Paul Modjadji we a bvelela kha u thoma pulatifomo miṅwaha ya 10 yo fhiraho nahone a i vhaḓa ya vha pulatifomo ine ya vha na u swikelela na mvelelo kha ḽifhasi ḽoṱhe.
Khalanwaha ya vhuvhili ya tour i ḓo vhona fomathi ya pan-Africa yo sedza kha u anetshela zwiṱori na vhurendi ha Botlhale.
Khalanwaha ya u thoma ya Breaking Down Borders yo dalela Nigeria, Kenya, Tanzania, Uganda, Senegal na maṅwe mashango maṱanu a SADC.
Khalanwaha ntswa i ḓo thoma nga ṅwedzi wa khubvumedzi musi thimu i tshi ḓo dalela Morocco, Egipita, DRC, Cape Verde, na huṅwe.