Pitso Mosimane o amba nga ha mbambe ya tshiphuga tsha ligi
Mugudisi wa kale wa thimu ya Mamelodi Sundowns Vho-Pitso Mosimane vhari mbambe ya tshiphuga tsha Betway Premiership ndi zwithu zwavhudi kha bola ya milenzhe ya Afrika Tshipembe.
Lwa u thoma nga murahu ha minwaha minzhi, mbambe ya tshiphuga tsha ligi i khou lavhelelwa u fhela nga duvha la u fhedzisela.
Zwazwino thimu ya Sundowns na Orlando Pirates yo valeliwa kha nndwa, zwine vho Pitso Mosimane vhari ndi zwithu zwavhudi.
Thimu ine ya fhedza yo wina tshiphuga i nga vha i tshi wina nga phambano ya zwikoro.
Sundowns zwazwino i khou ranga phanḓa nga poindi tharu, ngeno Pirates i na mutambo kha tshanḓa nahone i kha phambano ya zwikoro.
Pitso Mosimane, we a wina zwiphuga zwiṱanu zwa ligi na Sundowns, u tenda uri mbambe iyi yo vhuisa dakalo kha bola ya milenzhe yapo.
“Hezwi ndi zwavhuḓi kha bola ya milenzhe.A u vhuyi wa ḓivha uri hu ḓo itea mini,” Vho-Mosimane vho vhudza SABC Sport.
“Arali ndo vha ndo ni vhudzisa maḓuvha a fumi o fhiraho, no vha ni sa ḓo amba uri zwithu zwi ḓo vha nga heyi nḓila zwa zwino, naa?
“Fhedzi bola ya milenzhe i tea u vha nga heyi nḓila. zwino thimu ifhio na ifhio ine na i tikedza, hu nga vha Chiefs, Sundowns kana Pirates…
“U ṱaṱisana a hu fheli u swika hu tshi lila tshipiriri tsha u fhedzisela… Ngauralo vhege iṅwe na iṅwe i ḓisa zwimangadzo zwayo,” ho isa phanḓa Pitso Mosimane.