Zwamitambo

Mafhungo a mulindavhuno wa Chiefs Fiacre Ntwari

Mulindavhuno wa Kaizer Chiefs Fiacre Ntwari u kha ḓi vha mutambi wa ndeme kha thimu ya lushaka ya Rwanda, naho a tshi khou ḓi ṱungufhala kha Naturena.

Nga Musumbuluwo, mugudisi wa Mavubi Vho-Stephen Constantine vho vhidza mutambi wa minwaha ya 26 kha tshigwada tshavho tsha tshifhinga nyana.

U ḓo kona u nanga vhatambi vha 32 kha tshigwada vhane vha ḓo tamba mitambo. 

Fiacre Ntwari ndi munwe wa vhalindavhuno vhaṋa vho khethiwaho kha thimu ya Rwanda, ndi tshiga tsho khwaṱhaho tsha u fulufheliwa

VHUIMO HAWE KHA NATURENA .

U khethiwa hawe zwo mangadza vhanwe, musi ri tshi sedza tshifhinga tshe a vha o tshi shuma kha Kaizer Chiefs.

Ubva tshe ino khalaṅwaha ya thoma, Ntwari o vha e kha mafhungo a jersey nahone zwi vhonala uri zwi do shanduka hu si kale.

Vhagudisi Cedric Kaze na Khalil Ben Youssef vho vha vha tshi khou takalela Brandon Petersen uri a thome.

Nahone nga uri Petersen ha khou tamba ano maduvha, Bruce Bvuma o vhuya mapalani , Takalani Mazhamba kha bannga.

Hezwi zwo ita uri Ntwari a vhe kha vhuimo ha vhuṋa kha vhalindi vha Kaizer Chiefs vha zwino.

Naho o vha e muhali kha Rwanda musi vha tshi khou ṱoḓa u tamba kha World Cup zwenezwino, ha athu u tamba mutambo na muthihi kha Chiefs kha ino khalanwaha.

Ntwari u do ṱuwa u ya u dzhena kha Amavubi vhege iḓaho. Kha mutambi, tshikhala itshi tshi ḓo vha fasiṱere ḽa ndeme khae.

Sa vhumatshelo hawe kha Kaizer Chiefs vhu tshi vhonala vhu si havhuḓi, u sumbedza ḓi zwavhuḓi kha muṱaṱisano wa dzhango zwi nga vula zwikhala kha dziṅwe kilabu.