Pitso kha mbambe ya u vha mugudisi muswa wa Bafana

Mugudisi wa kale wa Mamelodi Sundowns na Al Ahly Vho-Pitso Mosimane vha khou pfi ndi vhone vhane vha khou gidima phanda kha mbambe ya u vha mugudisi muswa wa Bafana Bafana.

Uya nga ha muvhigo wa SoccerBeat, Mosimane o no ḓi ṋetshedza themendelo yawe kha komiti ya Safa.

Nahone zwa zwino u vhonala sa ene ane a khou ranga phanḓa u dzhia mushumo nga murahu ha Hugo Broos.

Fhedzi mbambe a i athu fhela sa izwi vhaṅwe vhagudisi vhavhili vha Afrika Tshipembe na vhavhili vha nnḓa vha tshi kha ḓi vha kha mutevhe wa vhane vha ḓo ṋekedza ṱhanziela dzavho.

 Arali vha tholiwa, a zwi nga ḓo vha lwa u thoma Mosimane a tshi shuma kha Bafana sa izwi o vha gudisa lwa miṅwaha i fhiraho fumi.

Fhedzi Broos a nga dzhia tsheo ya u bvela phanḓa na mushumo we a u thoma miṅwahani miṱanu yo fhiraho.

Mugudisi o bebwaho Belgium o shandukisa Bafana ya vha thimu i fulufhedzeaho na i shumaho nga maanḓa.

O vha isa kha mitambo mivhili nga u tevhekana ya Caf Africa Cup of Nations na kha  World cup.

• VHALANI HAFHU: Makhadzi o sumbedza mvelaphanḓa ya mansion ine a Kho i fhaṱa

Fhedzi-ha, vho sumbedza uri vha khou ṱoḓa u ṱutshela mushumo, fhedzi a vha athu dzhia tsheo ya tshiofisi nga ha hezwi.

Mihumbulo yo fhandekana malugana na uri Pitso Mosimane u tea u vhuyelela kha Bafana Bafana naa sa izwi vhanwe vha tshi mu vhona sa muthu o teaho.