Mafhungo maswa kha mulandu wa Mokwena wa u tswa tshelede

Mafhungo maswa  kha mulandu wa Rulani Mokwena wa u tswa tshelede.

Ho bviselwa khagala uri Rulani Mokwena o vhofhololwa na u vhonwa mulandu wa u tswa tshelede ngei Algeria.

Mugudisi o farwa na tshelede ya 14 200 Euros a tshi khou lingedza u bva shangoni sa izwi o vha a tshi khou livha Libya.

Fhedzi musi a tshi swika vhuimabufho nahone thundu dzawe dza setshiwa, tshelede ya wanala.

Ho vha hu tshi pfi yo dzumbiwa kha bugu dzawe na zwienda zwawe musi a tshi wanala nga mapholisa.

O mbo ḓi valelwa vhuimabufho, fhedzi ha ngo ya seleni sa vhunga o vha o eḓela hodelani.

Nga Musumbuluwo, o wanala e na mulandu nahone a lifha tshelede i ṱoḓaho u vha 6 000 Dinars, ine ya vha tshelede ya Algeria.

Nga tshelede ya hayani, tshelede iyi i ṱoḓa u vha R759, nahone u ya nga ramafhungo wa Algeria we a amba na Radio 2000, tshelede iyi ndi ṱhukhu.

O amba uri muthu u anzela u badeliswa kavhili kana kararu kha tshelede ine a farwa nayo.

• VHALANI HAFHU: Bucs Mthombeni u ṱalutshedza vhubvo ha dzina Bucs

Rulani Mokwena o farwa e na tshelede ya 14 200 Euros – ine ya vha R270 000 nga tshelede ya hayani.