Pirates yo bvisa vhanwe vhatambi vha sumbe

Orlando Pirates yo divhadza lwa tshiofisi uri yo bvisa vhatambi vha sumbe phanda ha musi khalanwaha ntswa i tshi thoma.

Kiḽaba yo no saina vhatambi vhanzhi, nahone vhanzhi vho vha vho lindela u vhona uri ndi vhafhio vhane vha ḓo bviswa u itela u vala zwikhala.

Vhanwe vho vhofhololwaho ndi Thabiso Sesane na Selaelo Rasebotja vhe vha rengiswa kha thimu ya Siwelele FC.

Siyabonga ndlozi na gomolemo khoto vho rengiswa kha sekhukhune united.

Sonwabo khumalo na blessing ngiba vho vhofhololwa kha thimu ya midlands fc vha tshi khou tamba kha mitambo ya motsepe foundation championship.

Seth green o rengiswa kha Durban City a tshi khou tamba kha Betway Premier League.

Orlando Pirates yo livhuwa vhatambi avha vhothe kha u shela mulenzhe he vha ita nga tshifhinga tshavho kha kilabu.

Ro dovha ra vha tamela mashudu kha mishumo yavho miswa, ra ri ri do isa phanda na u divhadza vhatikedzi nga ha tshanduko dzine dza nga vha hone kha tshigwada musi ndugiselo dza khalanwaha ntswa dzi tshi khou bvela phanda.

• VHALANI HAFHU: Pitso kha mbambe ya u vha mugudisi muswa wa Bafana

“Ro imela muṱa woṱhe wa Orlando Pirates, tshigwada tshi tamela mashudu avha vhatambi musi vha tshi thoma zwipiḓa zwiswa zwa mishumo yavho.”