Durban City yo fhedza u saina mutambi wa kale wa Pirates 

Durban City FC yo khwathisedza lwa tshiofisi u renga mutambi a re na tshenzhemo Bandile Shandu phanḓa ha khalanwaha ya 2026/27.

Mutambi wa minwaha ya 31 o dzhena kha kilaba ya KwaZulu-Natal nga murahu ha musi o ṱuwa kha Orlando Pirates, he a fhedza miṅwaha yo vhalaho a tshi khou ṱaṱisana kha miṱaṱisano ya Betway Premiership na Caf.

Shandu u vha muṅwe wa vhatambi vha ndeme vho engedzwaho vha Durban City musi kilabu i tshi khou dzudzanyela fulo ḽi ṱoḓaho zwinzhi ḽine ḽa katela Betway Premiership, miṱaṱisano ya khaphu ya hayani na Khaphu ya Caf Confederation.

Musi vha tshi amba nga murahu ha u fhedza u pfuluwa, mutsireledzi wa kale wa Pirates o amba uri o takala u thoma ndima ntswa ya mushumo wawe.

“Ndo takalela u dzhena kha Durban City FC nahone ndi tama u livhuwa mugudisi na Bodo kha fulufhelo ḽe vha ntsumbedza ḽone,” vho ralo.

Shandu o dzumbulula uri nyambedzano na vhagudisi vha kilabu zwo mu ṱuṱuwedza uri a dzhie tsheo.

Mutsireledzi wa tshenzhemo o engedza nga uri u fhisetshela u thusa tshigwada uri tshi swikelele zwipikwa zwatsho.

• VHALANI HAFHU : Ramabindu wa mufumakadzi o thuntshiwa a lovha ngei kwamashu

U swika ha Shandu hu khou lavhelelwa u khwaṱhisa vhupileli ha Durban City sa izwi kilabu i re na vhuḓiimiseli i tshi khou sedza u ita mvelelo kha shango na kha dzhango kha khalanwaha i ḓaho.