Slim Kat o nea Mbuthuma ngeletshedzo kha mutsiko wa Bucs

Mutambi wa kale wa tshigwada tsha Orlando Pirates Vho-Moeneeb “Slim Kat” Josephs vho ṋea nyeletshedzo kha mutambi Yanela Mbuthuma.

Yanela Mbuthuma ndi mutambi wa phanḓa ane mugudisi Abdeslam Ouaddou a vhonala a tshi khou ḓitika ngae zwenezwino sa izwi a tshi khou thoma mitambo nae.

Naho a tshi kha di kora zwikoro kha Pirates, Mbuthuma u kha di vha fhasi ha mutsiko nga maanda ubva tshe thimu ya bvisa Tshegofatso Mabasa ane a funeswa nga vhatikedzi.

Naho zwo ralo, Josephs o mu eletshedza uri a si ḓivhee mutsiko muhulwane nga u lingedza u ita zwithu zwinzhi.

O vha a tshi khou ṋea vhupfiwa kha Soccer Beat nga murahu ha musi mutambi muswa o lingedza u drivhula bola fhedzi a rwa tshiṅwe tshithu ya bvela nnḓa.

“Muhumbulo wanga nga ha muṱhannga, ndi vhona u nga u khou lingedza nga maanḓa,” ho amba Josephs, we a vha e mutsireledzi wa Pirates lwa tshifhinga tshilapfu.

“U ita zwithu zwo teaho fhedzi u tea u dzhenisa bola kha mapalani. Ndi pfa unga ha ngo vhofholowa bogisini.

“Ndi a zwi ḓivha uri u fhasi ha mutsiko ngauri vhatikedzi vha lavhelela uri a  kore zwikoro – nahone ri lavhelela uri u ḓo zwi kora.

“Fhedzi zwi ḓo mu konḓela u kora zwikoro arali a ḓi vhea mutsiko.”

• VHALANI HAFHU: Black Coffee Foundation yo thoma thandela ya Gift of Sight

Yanela Mbuthuma wa minwaha ya 23 o no kora zwikoro zwitanu kha mitambo ya tahe kha Pirates.

U khou ṱaṱisana nga vhuimo na Evidence Makgopa, ngeno Boitumelo Radiopane na ene o lindela tshikhala tshawe nga nnḓa ha mutambo.