Kaze una mulaedza kha vhatikedzi vha Kaizer Chiefs
Mugudisi wa Kaizer Chiefs Cedric Kaze o bvisa mulaedza kha vhatikedzi nga murahu ha gundo ḽavho nga Swondaha.
Kaizer chiefs yo kunda Durban City nga tshikoro tshihi kha gumba kha mutambo wa betway premiership fnb stadium.
Tshikoro tsha u wina tsho dzhiwa nga Glody Lilepo kha hafu ya vhuvhili nahone thimu mbili dzo vha dzi tshi nga kora zwikoro zwinzhi u fhira hezwi.
Thimu yo vha yo no kundwa mitambo mina nga u tou tevhekana phanḓa ha mutambo wa Swondaha.
U kundwa ho vhea mutsiko kha thimu, vhatikedzi vha ita na u gwalabela na u ṱoḓa uri vhagudisi vha pandelwe.
Fhedzi Kaze u na fulufhelo ḽa uri mvelelo iyi i ḓo leludza nyimele, nahone o rumela mulaedza kha vhatikedzi.
“Vhatikedzi vho vha vha tshi dzulela u vha murahu ha thimu,” Kaze o ralo nga murahu ha mutambo.
“Zwine vha tea u zwi ḓivha ndi uri thimu dzoṱhe dzi fhira kha zwifhinga zwa mashudu mavhi.
“Na kha riṋe zwo to ralo nahone zwino ndi fulufhela uri ndi mathomo a u fhira kha ḽeneḽo sia.
“U amba nga nḓila ye ra tamba ngayo na mvelelo ya ṋamusi, zwi a konadzea uri ri nga khwinisa.”
Kha mutambo u tevhelaho, Kaizer Chiefs i ḓo ṱangana na Magesi FC stadium tsha FNB nga Mugivhela u ḓaho.
- VHALANI HAFHU: Sjava o tenda u shumisana na Anthony Hamilton
Vha do vha vha tshi khou sedza kha u fhata kha mvelelo iyi uri vhagudisi vha kone u vhulunga fulufhedziso lavho la u fhedza kha vhararu vha ntha.